انتقام جاريه
اول مشهد من مشاهد الحكايه فى شقه رقم 23 فى عمارة ف المهندسين
الزوج الغاضب و الزوجه المقهورة و ولد وبنت مشهد الزعر والخوف مرسوم وبوضوح ع وشوشهم
بيقطع صمتهم صوت رن جرس الباب بتتقوم الزوجه رنا يحيي المنشاوى فى منتصف العشرينات من عمرها ملامحها غربيه ورثتها عن امها التركيه بخطوات بطئيه وتتجه للباب ليدخل الاب يحيي المنشاوى عجوز سيطر العجز ع ملامح وشه اختلاط شعره باللونين الابيض و البنى الفاتح صاحب واحد من اكبر محلات الانتيكه ف القاهره
..خير يابنتى فى ايه ومال وشك عامل كدا ليه
بتكتفى رنا ببكى مرير يوصف كل وجعها والمها وبتلج لحضن ابوها
.اهدى يابنتى اهدى يلا ياولاد ادخلو اوضتكم وسيبونا شويه مع مامى وبابى
وبيتحرك الطفلين ياسين وياسمين 4سنوات ناحية باب الغرفه بخطوات هزيله بتدل على مدى حزنهم
.. تتغير نبرة الهدوء فى صوت يحيي المنشاوى لنبرة حده موجه الكلام لطارق
....عملت ايه فى بنتى ياطارق يا نشار
ليقوم طارق محمد النشارصاحب الثلاثين من عمره صاحب الملامح الجامده والانف المستقيم والشعر المبعثر بالرد دفعا عن نفسه
..انا.انا اللى عملت واللى هي يا عمى اسال بنتك يمكن تحكي الحقيقه لو لمره فى حياتها
..قولي انتي يا رنا ايه اللى حصل
..اللى حصل انه بنى ادم كداب و مخادع و خاين بيخوني مع الشغاله
.. ايه رايك ف الكلام دا ياطارق
..اقسم بالله ياعمي ما حصل اخونها ازاي وليه انا بعت اهلي عشانها خسرت كل حاجه عشان اكسبها هي و هي وبس
.. رايك ايه يا رنا ف الكلام دا
.. كداب يا بابا انا سمعته وهو بيقولها بكرا تروحي الشقه التانيه هتلاقيني مستنيكي
.. ايوه يا رنا انا قولت كدا فعلا والشقه التانيه دي الشقه الجديده اللى اشترها ليكي و كنت عامله مفاجاه و كنت عاوزه تروح
تنضفها عشان المفاجاه
..ياسلام و المفروض اصدق انا كدا
.. لو مش مصدقه روحي الشقه وشوفي
.. والشات اللى بينك وبين ناردين صاحبتي
..تفتكري لو بخونك هسيب موبيلي من غير باس و كمان هديكي ايميلات و الاكوانتات بتاعي انتي المفروض اكبر من كدا
.. طيب ياطارق قولي ضربتها ليه
.. انا والله ما حصل
.. اومال ايه اللي و وشها دا
..هو مالوش ذنب يا بابا انا معرفش ايه دا انا صحيت من النوم ع هوا سخن اوى لاقيت دا ف وشي
..طيب يابنتي طارق كدا برئ وانت ظلمتيه و نكدتي ع نفسك وعليه و ع الاولاد شايفه ولادك بقو ازاي
.. انا اسفه يا طارق
.. انتي بنتي و انا مش هزعل منك يا رنا و انا كمان ياستي اسفه حقك عليا
..طب يلا يا رانا نادي ياسين و ياسمين عشان ننزل نتغدا سوا و نروح للدكتور نشوف ايه اللي عمل كدا ف وشك
.. حاضر يا بابا
بتتجه رانا لاوضه ياسين وياسمين
.. ايه يا حبايبي بتضحكو ع ايه
.. ع طنط خديجه هي اللى عملت فيكي كداهههه
.. مين طنط خديجه يا ياسين
.. مش طنط قالت مش نقول لحد انت كدا وحش وهي هتزعل منك
..مين طنط دي و عملت ايه
.. انا هقول لمامي يا ياسمين طنط اصلا بقت تخوف
.. قولي يا حبيبي مين دي
.. يامامي طنط اللى بتخرج من الصوره الكبيره اوي اللى برا
.. صورة.. صورة ايه
وفجاه يتفتح الباب
..ايه يا رانا لسه مش لابست الاولاد عمي بيتسعجلك
.. اية بتقول حاجه يا طارق
.. بقولك يلا قدامك كتير
..حاضر حاضر هلبسهم والبس
.. مالك يا رنا انتي كويسه
.. اه. ااه انا كويسه
..طيب روحي البسي انتي وانا هلبسهم
.. طيب حاضر
بتخرج رنا و بتتجه لغرفتها الخاصه و حاله من الرعب والصدمه مسيطره عليها
وفي واحده من عيادات الجالديه خاصه في شارع من شوارع المهندسين الراقيه كانت رانا و طارق مستنين دور رانا اللى كانت ومازالت مزهوله و مرعوبه ومش مركزه خالص ف كلام طارق
.. مدام رانا المنشاوي تقدرى تدخلي يا فندم
بتبتسم رانا للممرضه وبتدخل بهدوء قلق طارق
وع المكتب دكتور في منتصف الاربعينات من عمره بنظرات ثاقبه و حاده
.. خير يامدام ايه اللي حصل
.. انا صحيت من النوم لاقيت دا ف وشي وكنت حاسه بحراره
.. طيب اتفضلي حضرتك عشان نكشف
وبعد الكشف ظهرت ملامح الاتعجب ع وش الدكتور اللي فشل ف انه يخبيها
..خير يا دكتور ايه دا وليه حضرتك قلقان كدا هي رنا مالها
.. مدام رنا حضرتك بتقولي انك كنتي نايمه وصحيتى لاقيتي وشك كدا
.. ايوه يادكتور
.. يعني حضرتك متعرضتش لاي حراره ولا حتي سخنتي شويه
.. لا ابدا
.. غريبه الحرق اللي ف وش حضرتك دا ناتج عن التعرض للحراره و ارجح انه سشوار مجفف الشعر
.. انا مش فاكره اني استخدمته من اكتر من شهر لانه بيكهرب
.. الحقيقه معنديش تفسير تاني انا هتكب لحضرتك كريمات و ان شاء الله اشوفك تاني
.. شكرا يا دكتور
بتخرج رنا و طارق من العياده و في دماغ كل واحد فيهم مليون سؤال
و في عربيه طارق الفخمه كان يحيي المنشاوي و احفاده مستين طارق ورنا
.. ها يارانا الدكتور قال ايه
..قالي اني اتعرضت لسخونه جامده هي اللي عملت كدا و كتبلى علاج
.. ايه رايك يا رنا نروح احنا وعمي والولاد نقضي كام يوم ف الساحل
..انا عن نفسي موافق جدااا ايه رايك يا رنا
.. ياريت انا محتاجه تغير جو
.. خلاص نروح نتغدا ونرجع البيت ناخد الشنط ونسافر
..طب يلا يابني جوعتوني
.. ههههه يلا ياعمي
وفي واحد من افخم مطاعم القاهره كان القلق مخيم ع قلب رنا وطارق ام المنشاوي كان بيحاول يلطف الجو مع الاحفاد بعد يوم عصيب وبعد ما حس ان الاولاد عندهم مشكله
اما عن طارق كان موجه كل تركيزه مع رنا وخصوصا بعد ما سمع كلام الاولاد عن طنط خديجه اكتر من مره زاد قلقه بعد ما رنا سمعت من ياسمين وياسين عنه او يمكن لانه يعرف مين دي...
اما عن اول يوم ف الساحل مكنش يوم لطيف خالص ع رنا وطارق بعد ما اتعرضت رنا لالم شديد في المعده كانت بسببه مش بتقوم من السرير ومكنش له سبب واضح لكنها فضلت متقولش لاولدها او الطفلين
وبعد ما بدءت رنا تتحسن طلب من طارق تنزل البحر بس اللى حصل كان صعب
.. طارق
.. نعم يا حبيبتي
.. عاوزه انزل البحر
.. بس انتي لسه تعبانه
.. انت نسيت اني مدربه سباحه و بطلة الجمهورية
.. لا يا حبيبتي بس
.. من غير بس انا عاوزه انزل المياه
.. طيب زى ما تحبي بس هنزل معاكي
.. ربنا يخليك ليا
مشهد رعب للعائله كلها وهما شايفين بطلة الجمهوريه للسباحه بتغرق و فريق الانقاذ بيساعدها و بمعجزه الهيه بتخرج رنا وهي لسه قادره يدوب تتنفس
وفي المستشفي ومن امام زجاج غرفة العنايه المركزه كان طارق ويحيي المنشاوى والطفلين في حاله زعر و خوف مميت مكنش من المنطقي ان دا يحصل في شط هادي و موج مش عالي مع وجود ناس في نفس المنطقه اللى موجود فيها رنا اسئله كتيره كانت في دماغ المنشاوى و جوز بنته ام الطفلين كان وضعهم غريب نظرهم اللى كان مركز علي حاجه مش باينه لحد و تعبيرات وشهم اللى بتتغير وعدم احساسهم بالوقت او المكان
وبعد وقت رغم انه كان شوية ساعات الا انه عدي علي عائله رنا و كانه سنين طلب الدكتور والد رنا و زوجها عشان يناقش معاهم الحاله
..خير يا دكتور بنتي فيها ايه
.. خير ان شاء الله بس انا عاوز اسال حضرتكم كام سؤال في البدايه
.. اتفضل يا دكتور
.. مين كان مع المدام ساعة ما دا حصل
.. طارق طارق هو اللى كان معاها و قريب منها
..طيب يا استاذ طارق حضرتك محستش باى حاجه غريبه كانت بتحصل تحت المياه او اي حركه هجوميه
..لا خالص كان كل حاجه طبيعيه وحركه الموج كانت هاديه
.. في حد كان قريب منكم او في نفس المنطقه
.. لا خالص كان في ناس اكيد بس بعيد
.. مممم انا كدا مجبر احول الحادثه للنيابه
.. ليه يا دكتور بنتي مالها وليه كل الاسئله دي اتكلم ارجوك
.. في علامات غريبه ع جسم المدام ويمكن حد كانت متعمد قتلها
.. حضرتك بتقول ايه قتل ايه مراتي كانت جابني و مفيش حد معانا ولا قريب منا
.. دا بقا شغل النيابه مش شغلنا
..حضرتك تقصد ايه بالظبط وعلامات ايه
.. يا استاذ طارق مراتك في اثر في رجلها بالتحديد عند اربطة الكاحل بتقول انها كانت مربوطه بسلسله او حبل قوي وفي اثار عند الرقبه انا متاسف انا مجبر احول الحادثه للنيابه احنا قدام قضيه شروع ف قتل
.. طيب ممكن تطمنا علي بنتي الاول
.. شربت مياه كتير احنا قدرنا نخرج المياه لكن القلب مجهد و كمان الجسم في حاله خمول و ضعف مش طبيعيه
.. قلب ايه اللى مجهد يا دكتور مراتي بطله سباحه و مدربه دا لحد اسبوع فات كانت بتدرب عشان البطوله
..--عموما انا بلغت شرطه الساحل و هم بقا يحققو ف الموضوع
وبعد 3ايام رنا قدرت تسعيد وعيها مره تانيه و قدرت النيابه تاخد اقولها في الحادثه
.. مدام رنا احنا طبعا عرفين ان اللي حصل كان صعب بس احنا عاوزين حضرتك تحاولي تفتكرى ايه اللى حصل بالظبط
.. انا مش فاكره غير ان حسيت فاكره ان في حاجه بتشدني لتحت في الاول افتكرت انه طارق وبيهزر معايا لكن طارق كان بعيد عني بكام متر ولما حولت اقوم حسيت بحد بيخنق فيا مشوفتش حد انا بس حسيت بصوابع
..حضرتك محستش حاجه بتلف ع رجلك
.. ايوه حسيت زي سلسله ملفوفه ع رجلي
.. طيب وحضرتك مشوفتهاش
.. لا ابدا مشوفتش حاجه
.. طيب اتفضلي حضرتك امضي ع المحضر و الف سلامه ع حضرتك
.. شكرا يا فندم
اتسجلت وقعت رنا واحده من اغرب الاحداث اللى حصلت و طبعا اتقيدت ضدد مجهول
وبعد اسبوع خرجت رنا من المستشفي وقررو يرجعو البيت بس واضح انهم كانو غير مرحب بيهم في بيتهم بالمره
مشهد مرعب ع التيراز الامريكى بمجرد فتح باب الشقة و دخول رنا صوت صراخ خارج من كل ركن ف البيت صوت كان مسموع للكل لكن اثره ع رنا كان اكبر الغريب ان الصراخ ماثرش ع الاطفال نهائي بل بالعكس كانو بيضحكو!!
استمر الحال لوقت محدش قدر يحددو وانتهي بعد ما رنا فقدت وعيها
..رنا رنا سمعنى يا حبييتى قومى انا طارق
.. ردى يابنتى علينا
وبعد وقت مش طويل قدرت رنا تفوق و
..ايه اللى حصل ااه دماغي وجعاني اوي يا بابا انا فين
.. انتي في بيتك يا حبيبتي
.. ايه حصل انا مش فاكره حاجه
.. انتي دوختي بس
.. دوخت .. طب فين طارق والولاد
.. طارق و الولاد في الاوضه التانيه
و في الاوضه التانيه كان الوضع لا يبشر باي خير..
.. اسمعو يا ولاد انا عاوزكم تحكولي عن طنط خديجه دي كل حاجه
.. بس يا بابي طنط قالت مش نقول لحد
.. كدا يا ياسمين بتخبي عن بابي حبيبك
.. انا هقولك يا بابي
.. ياااسين طنط هتزعل و هتعمل فينا زي ما بتعمل ف مامي
.. اسكتي انا اصلا بقيت اكرهها عاوزه تموت مامي يا بابي
.. ليه يا حبيبي بتقول كدا و مين طنط دي
.. دي يا بابي تعرف نانا اسما
.. نانا اسما اللي في تركيا
.. ايووه يا بابي مامت مامي
.. كمل يا ياسين وبعدين
.. انا هقولك يا بابي
.. قولي يا ياسمين
.. طنط دي بتجي بعد مامي تروح تنام و كانت بتصحينا و تاخدنا عند نانا اسما بس نانا كانت بتزعل و تقول كلام مش بفهمه
.. نانا اسما!!!!!
.. ايوه يا بابي بس مش هو حضرتك و مامي قولته انها فوق عند ربنا ازاي ديجا كانت بتاخدنا هناك
الصدمه اثارها كان واضح علي طارق اسما جدة الاطفال وام رنا ماتت قبل 8 سنين يعني الاطفال ميعرفهوش و ازاي خديجه بتاخدهم هناك
..بابي بايي جدو بينادي ع حضرتك
.. ايه بتقولي ايه يا حبيبتي
.. بقولك جدو بينادي
.. طب تعالو نشوف مامي اكيد فاقت
في اوضه رنا كان الوضع هادي نوعا ما بس دا ممكن يكون الهدوء السابق للعاصفه
خوف طارق زاد جدا بعد ما سمع من اولاده الكلام دا مكنش عارف يفكر واخيرا وصل لحل بس كان الحل وهو بدايه النهايه
في صباح اليوم التالي وبعد ليله صعبه جدا ع طارق والتفكير المستمر مكنش فيه حل غير انه يبعت لمشيخه الازهر و يطلب منهم تفسيراو ري وازاي يتصرف او يتخلص من صوره بس كان لازم يفهم اكتر عن الجاريه خديجه
مكنش في حل تاني غير انه يلج لناردين الصديقه المقربه لرنا والاختيار كان في محله
ناردين الرفاعي .. واحده من اشهر رسامين مصر درست تاريخ الفن وتاثرت بالفن في العصور الاسلاميه و بالاخص الفنون اللي اتاثرت بالغرب وطبعا كان من اشهر الفنون دي هو الرسم
طلب طارق من ناردين انه ياقبلها واخد صوره للوحه بس اللي حصل كان غريب
..صباح الخير يا ناردين
.. صباح النور يا طارق خير في ايه طلبت تشوفني رنا كويسه
.. مش عارف يا ناردين
.. يعني ايه مش عارف يا طارق اتكلم قلقتني
.. طيب انا هحكيلك كل حاجه بس بشرط الكلام دا ميخرجش لاي بني ادم بالاخص رنا
حكي طارق كل اللي سمعه من ياسين و ياسمين و الحوادث الكتيره اللي حصلت في الايام القليله اللي فاتت
.. يانهار اسود كل دا حصل ياطارق وازاي معرفش غير دلوقتي
.. احنا ايه في ولا ايه يا ناردين وبعدين انتي كنتي مسافره
.. معاك صوره اللوحه دي
.. ايوه و دا اللي جايلك عشانه بصي كدا تعرفي حاجه عن اللوحه دي
بتاخد ناردين الموبيل من طارق و تبص فيه لكن..
.. انت بتهزر يا طارق
.. في ايه يا ناردين
.. الصوره بيضه مفهاش اي حاجه
.. نعم انتي بتقولي ايه
.. اتفضل شوف
بس الغريب ان لما اخد طارق الموبيل من ناردين مكنتش صوره بيضه خالص كانت صوره لرنا وهي بتنزف من كل جسمها
وقام طارق وهو بيتجه لعربيته و بيصرخ باسم رنا زي المجنون وبدون وعي منه بالمكان او الزمان حولت ناردين تفهم منه رنا مالها لكن هو مكنش بيقول غير جمله واحده(لا يا رنا اوعي تموتي وتسبيني) في وقت من الزمن يمكن كان قصير و يمكن كان طويل وصل طارق البيت ومن بعده ناردين اللى كانت مرعوبه مش قادره تفهم اي حاجه
بيدخل طارق البيت وهو زي المجنون بيدور ع رنا اللى بيصرخ باسمها
.. في ايه يا طارق مالك
.. انتي كويسه صح انتي كويسه
.. اهدي ايوه انا كويسه في ايه مالك
ضم طارق رنا لصدره وبدا ببكاء هستيريا بس رنا مكنتش فاهمه اي حاجه
.. طيب ممكن تهدا وتفهمني في ايه
.. فين الولاد يا رنا يلا ناخدهم و نسافر اي بلد برا
وبتدخل ناردين وهي بتنهج و بمجرد ما دخلت من باب الشقه و شافت رنا نطقت الشهاده
.. ناردين في ايه انتي كمان مالكم انتو الاتنين
.. انتي كويسه يارنا
.. ايوه كويسه ادخلي و خدي نفسك
..صفاء صفاااء.
.. ايوه يا رنا هانم
.. هاتي مياه وعصير و اتصلي بالسواق و شوفي وصل فين بالولاد
.. حاضر يا مدام
.. ممكن بقا انتو الاتنين افهم في ايه
..ولا حاجه جالي تليفون بيقولي انك تعبانه جدا و جيت اجري
.. وناردين كانت معاك
.. ايوه يا رنا
.. ليه؟
.. ابدا يا رناوشه جوزك كان عاوزني اجبله هديه من فرنسا شكله هيتجوز عليكي
.. هههه عمري ما اصدق انا طارق يعمل كدا
.. اهو شوفتي اطلعي انتي منها
.. هههه طب شوف مين هيجيب الهديه
.. طيب انا هقوم احضر الغدا وانتي يا ناردين خليكي هنتغدا سوا
.. الله الله هو دا الكلام
..ههه طول عمرك تحبي الاكل اكتر من اي حاجه
.. طب يلا روحي وياريت تعملي الاكل اللي بحبه
بتقوم رنا و بياخد طارق ناردين للاوضه الموجود فيها اللوحه
.. هي دي اللوحه يا ناردين تعرفي عنها حاجه
.. مممم ايوه افتكرتها اللوحه دي كانت لواحده من جواري احد امراء الدوله العثمانيه كان اسمها خديجه النعماني كانت ف الاصل حره لكن طبعا مع الفتوحات الاسلاميه ف العصر دا ذاد عدد الاسرا كان الامير بيحبها جدا اللوحه دي كانت المفروض تترسم لمرات الامير الا انه فضل ان خديجه هي اللى تترسم دا من جمالها و كمان من حبه ليه اللوحه دي اترسمت في بايد رسام فرنسي في قصر الامير لكن بعد فتره من رسم اللوحه دي اختفت خديجه و اختفت اللوحه
وبيقطع كلامهم دخول رنا
.. ايه يا حبيبي بتعملو ايه
..ابدا يا حبيبتي كانت بعرض ع ناردين تشتري اللوحه دي
.. بس دي انت عارف انها..
بيرن جرس الباب و بيدخل ياسين وياسمين و يحيي المنشاوي
.. اهلا ازيك يا ناردين
.. اهلا يا عمو وحشني والله
.. ربنا يعزك يا حبيبتي
.. طب يلا ع السفره الغدا جاهز
بعد الغدا خرجت ناردين من شقة رنا عشان تروح بس وهي ع الباب حصل حاجه غريبه شويه
.. طنط ناردين
.. نعم يا حبيبي
.. تعالي اقولك كلمه سر
..ههه قول يا ياسين
.. طنط خديجه زعلانه منك وهي وحشه لما بتزعل من حد بتعمله حاجات وحشه
.. ممم وانت مين قالك
.. هي لما لم بتزعل عينها بتعمل دم
.. وانت شوفتها
.. ايوه كانت واقفه جانبك وانتي بتاكل
.. ااه عشان كدا انت وياسمين كنتو بتضحكو
.. ايوه يا طنط
.. طب يلا ادخل و مش تقلق عليا انا معايا ربنا
بيدخل ياسين الشقه و بتنزل ناردين وبتاخد عربيه و بتتجه للبيت ام طارق قلقه تضاعف بعد ما سمع الحوار بين ياسين و ناردين
و في صباح اليوم التالي و بالتحديد الساعه10 الصبح اتصلت ناردين ب يحيي المنشاوي وطلب منه انها تقابله
.. صباح الخير ياعمي
.. صباح النور يابنتي خير في ايه قلقتينى
.. خير يا عمي انا بس كنت عاوزه اسال حضرتك ع حاجه
.. اسالي يا بنتي
..اللوحه الموجوده في بيت رنا حضرتك جبتها منين
.. اللوحه دي كانت هديه من جدة رنا الله يرحمها لاسما زوجتي
.. يعني حضرتك متعرفش هي جابتها منين
.. اللوحه دي زي ما تقولي كدا ميراث كل ام بتسلمها لبنتها ام جدة اسما زوجتي الله يرحمها كانت اشترتها من متحف من متاحف باريس وبعد كدا بقت ورث
.. حضرتك قولت باريس
.. ايوه يابنتي من باريس
.. هي طنط اسما توفيت ازاي
.. الله يرحمها يابنتي محدش عارف لحد دلوقتي ماتت ازاي كل اللى نعرفه انه ماتت بعد حريق كبير مسك في الشقه كلها و محدش عرف يثبت انه حادث او قضاء وقدر
.. و جدة رنا
.. ناهد هانم اختفت فتره و لما الموضوع ذاد عن حده و اسما مكانتش قادره توصلها بلغت الشرطه وبعد فتره ظهرت فى بدروم البيت مقتوله
..طب حضرتك قولت ان شقه طنط اسما النار مسكت فيها ازاي بقا اللوحه دي خرجت سليمه
.. والله يابنتي انا كنت في القاهره وهي في تركيه ورنا كانت معايا لما وصلني الخبر سافرت مكنش في دماغي اي حاجه و ولا كانت قادر افكر الصوره دي اعتقد انها كانت في مخزن محل الا نتيكات بتاع اسما
.. المخزن ؟
.. ايوه اسما كانت عاوزه تتخلص منها
.. ليه مش حضرتك قولت انها بتورث من كل ام
.. دا حقيقي لكن اسما كانت في اخر ايامها بتكره الصوره دي مكنش حابه وجودها
.. طب ناهد هانم
.. ناهد كان العرق العثماني طابع عليها شويه مكنش في حد بيحبها بسبب انها كانت متكبره وشايفه انها من النسل الملكي
اسما كانت مابين هنا وهناك فجاه اختفت ناهد هانم و كان شئ متعودين عليه لانها كانت بتسافر من غير ما تقول لحد لكن كانت المره دي طويله شويه اختفت لمدة 21 يوم تقريبا سفرت انا واسما عشان نطمن السواق الخاص اكد انها سافرت لكن رجعت من اسبوع و طول الاسبوع دا هو ميعرفش عنها حاجه ولا طلبت العربيه قلقنا انا واسما و بلغنا الشرطه وبعد ما استمرت الشرطه في البحث و التحقيق و التفتيش لمده اسبوعين تقريبا كنا فقدنا الامل بدءت تخرج ريحه مش حلوه من بدروم البيت الشرطه اقتحمت المكان وكانت المفاجاه ان ناهد هانم مقتوله بس الغريب ان الطب الشرعي اثبت انها اتوفت من 3 ايام بس
.. غريبه طول الوقت دا كله كانت فين
.. محدش يعرف يابنتي حتي حارسها الشخصي اكد انه محدش دخل او خرج الطب الشرعي اثبت انها اتعرضت للتعذيب وفضلت تقوم لحد ما القلب تعب والكبد انفجر علامات التعذيب كانت باينه و بوضوح علي جسمها
.. يا ساتر يارب
..قوليلي بقا مهتمه باللوحه دي ليه
.. ابدا ياعمي انت عارف اني بحب اجمع معلومات وكدا
.. ااه وكدا ماشي يا ستي
.. ههه طيب ياعمو انا همشي بقا عشان عندي شغل
.. ماشي ياحبيبتي مع السلامه
استمرالهدوء في بيت رنا وطارق لمده مش قصيره و استمرت ناردين في البحث عن اللوحه و كانت مصممه توصل لحل اللغز لدرجه انها سافرت باريس و بتبحث بالساعات الطويله في جوجل عشان تعرف القصه كامله و في باريس اكتملت الصوره
بعد اسبوع وصلت ناردين القاهره بعد رحلة باريس وكان الوقت متاخر لكنها فضلت انها تتجه لبيت رنا لكن رنا و طارق محدش فيهم كان بيرد علي موبيله او حتي تليفون البيت
ام في بيت رنا كان الوضع صعب جدا فجاه قام حريق في المطبخ لكن العنايه الالهيه انقذت رنا في اخر لحظات بعد ما سابت المطبخ عشان تشوف التليفون واخيرا وصلت ناردين بيت رنا
.. رنا رنا انتي كويسه
.. انتي عرفتي منين
.. عرفت ايه و ايه اللي حصل في المطبخ
.. المطبخ النار مسكت فيه يا ناردين وكنت هموت
.. فين طارق و ياسين و ياسمين
.. عند حماتي
.. انتي لازم تسيبي البيت فورا
.. ليه في ايه
..مش وقت اسئله ياريت تلمي هدومك انتي وطارق و الاولاد بسرعه لازم تسيبي البيت
.. الشنط جاهزه اصلا عشان كنا هنسافر
.. طب يلا وهنكلم طارق من تحت
.. طب افهم في ايه
.. انتي في خطر لازم نمشي حالا
وفي عربيه ناردين استمرت رنا بالاتصال بطارق مرات كتيره لكن مكنش بيرد
.. طارق مش بيرد يا ناردين
.. طب ما تكلمي حماتك
.. انتي عارفه اللى فيها
.. لازم نطمن عليهم هاتي الرقم وانا هكلمها
.. طيب هكلمها بس يارب ترد
الوضع بين رنا وحماتها كان ناري كان دائما بينهم شد لحد ما فضلت رنا انها تبعد عن حماتها وبعد ما اتصلت رنا اكتر من مره بحماتها اخيرا ردت
..مساء الخير يا طنط اسفه لو ازعجت حضرتك بس انا بكلم طارق مش بيرد
.. طبيعي ميردش طارق نايم من المغرب عندي
.. طب استاذن حضرتك تديله الموبيل
.. قولتلك نام واضح انه مكنش بينام في بيته
.. مالوش لازمه الكلام دا يا طنط انا سامعه صوت الولاد ياريت اكلم ياسين
.. ياااسين تعالي كلم مامتك
..ايوه يا مامي
.. اسمعني يا ياسين و متكررش الكلام روحي صحي بابي وقوله مامي تعبانه وسابت البيت و هتستننا في كافيه جانب بيت نانا لازم يصحي يا ياسو و تبلغو و متقولش لنانا
.. حاضر يا مامي
..مع السلامه يا حبيبي
.. مع السلامه يا مامي
....................................
.. انتي واثقه ان ياسين هيقدر يعمل كدا
.. ياسين زكي و هيعرف يعمل دا
و بعد وقت10دقائق من مكالمه رنا لياسين رن موبيلها باسم طارق بس
.. الو رنا انتي كويسه
.بتكتفي رنا بالبكاء
.. اهدي يا رنا و كلمني
بتاخد ناردين الموبيل من رنا الفاقده تماما لاعصبها
.. ايوه يا طارق انا ناردين
.. في ايه يا ناردين رنا مالها
.. هتفهم لما تيجي هات الولاد و تعالي علي بيتي اوعي تروح شقتك
.. طيب انا نص ساعه و اكون عندك
في بيت فاتن النشار ولدة طارق كانت الاجواء مشتعله
.. علي فين ياطارق
.. هروح اشوف مراتي يا ماما
..هي ايه مش كفايه اخدتك مني كمان مش عاوزك تقعد معايا
.. رنا تعبانه يا ماما و مش هينفع اسيبها
.. زمان اخترت بنت المنشاوي و اتحدتني كمان دلوقتي بتعمل كدا
.. اتحدي ايه يا ماما بقولك مراتي تعبانه
.. لا دي بتعمل كدا عشان تسبني و تروحلها
.. يامي رنا فعلا تعبانه و الفتره الاخيره كانت صعبه عليها
.. لو نزلت من البيت دا و روحتلها مترجعش و اعتبر امك ماتت
.. ليه يا امي ليه تعملي كدا
.. يا تقعد هنا يا تمشي و اياك ترجع
.. حاضر يا امي يلا يا ولاد
.. بتبعني تاني عشانها يا طارق
.. حضرتك مصممه و انا مراتي في مصيبه انا همشي ياامي تصبحي ع خير
...........................
وفي بيت ناردين القلق و الخوف كان مسيطر ع المشهد و اخيرا وصل طارق و الولاد وعرف طارق بالحريق اللي حصل في مطبخ رنا وبدءت ناردين تكمل قصه الجاريه خديحه و التفاصيل كانت مرعبه
.. اسمعوني كويس اللوحه الموجوده في الشقه ملعونه و اللعنه بتقصد صاحبه البيت الزوجه يعني انتي المقصوده يا رنا زي ما عملت مع طنط اسما و جدتك ناهد
.. انتي بتقولي ايه ماما ماتت قضاء و قدر بعد ما قام حريق بسبب تسريب الغاز
.. اللي حصل ما طنط اسما هو اللي حصل معاكي من شويه لكن انتي كان حظك احسن
اللوحه اللي عندكم دي لجاريه من العصر العثماني كانت الجاريه المفضله لامير من الامراء العثمانين و بعد ما اترسمت اللوحه دي بفتره اختفت الجاريه و اللوحه بس بعد اختفاء الجاريه ظهرت جثتها جانب النهر و كان و اضح جدا ع الجثه انها اتعذبت و بشده و تم نزع الثدي و الرحم منها بطريقه وحشيه دا غير انها كانت من غير اطرافها الاربعه الغريب ان اللوحه ظهرت تاني في قصر الامير بس بعد 45 يوم بس من ظهورها بدءت الكوارث تحصل في البدايه بدءه يسمعو صوت صراخ جامد من مغسله القصر وكان صوت مفجع كانه جبل بيتهد محدش كان عنده تفسير و بعد كدا بدءت الحاله الصحيه لام الامير و زوجته و رئيسه الخدم بالتدهور علي الترتيب كانت اللوحه هي الونيس للامير بعد قتل خديجه و الغريب ان ليلة مقتل ام الامير كانت اللوحه عبره عن شلال دم و استمرت لحد وفاه ام الامير
.. اتقلت ازاي يا ناردين
..طبعا في الوقت دا كان الاعتماد علي نور الشمس بالنهار و بليل الشموع قامت عاصفه كبير جدا في اليوم دا و البتحديد بعد غروب الشمس وعلي الرغم من انه كان يوم صيفي و حر جداا الا ان العاصفه قامت كانها ليلة من ليالي الشتاء قامت العاصفه و انطفت كل الشموع و المشاعل الموجوده سواء في ممرات القصر او داخل الغرف و فجاه رجع النور تاني و بعد رجوعه ام الامير مكنتش موجوده و بعد التفتيش و البحث المستمر اتوجدت علي اعلي قمه في القصر وهي متعلقه من رقبتها بسلسله من السلاسل اللي بيستخدموها في تقيد الاسرا في الحروب و بتنزف دم من كل جسمها و الابشع ان لسانها كان مقطوع و متعلق مع الامعاء في رجلها
.. انتي قولتي سلسله
.. ايوه يا طارق
.. طب كملي
.. الدور اتنقل بمرات الامير و للحد ما انتهي العصر العثماني بكل حرف فيه محدش كان قادر يحدد هي انتحرت ولا ماتت
.... بعد موت ام الامير السلطانه جيهان بايام قليله جدا بدء كل اللي في القصريلاحظو حاجات غريبه علي مرات الامير زي انها بتقوم من النوم تصرخ و تطلب السماح من حد مش موجود اصلا و انها كانت بتقضي ساعات في الجناح الخاص بيها لوحدها و تدهور الصحي و نوبات البكاء و الصراخ و هيستريا الضحك من بعدها
..تقصدي اتجننت
.. بالظبط يا طارق وبدء الموضوع يطور لدرجه انها بقت تشوف عبارات مكتوبه علي جدران القصر بالدم و محدش غيرها كان بيشوفها و الابشع انها حكت تفصيل قتل السطانه جهان من اول ما اختفت لحد ما ظهرت مقتوله
طبعا الكل وجه ليها اصابع الاتهام بقتل السلطانه الا ان رد فعلها بتصميمها علي صدور حكم الاعدام ضددها اكد للكل ان قوها العقليه تلاشت تقريبا او انها بتتعذب و بتطلب رصاص الرحمه وبعد ايام من عزلها لنفسها في جناحها الخاص و للمره التانيه شلال الدم بينفجر من لوحه خديجه اعلن القصر عن انتحر الاميره نورين زوجه الامير بانها اشعلت النار في جناحها و اخفت النار طبعا معالمها ومحدش عرف اذا كانت انتحرت ولا اتقلت اما بقا المسؤله عن بلاط السلطان كانت موته فيهم
مر 21يوم علي وفاه الاميره نورين و الوضع في القصر هادء نوعا ما و مفيش اي حاجه غريبه حصلت لحد ما في يوم و بدون اي مقدمات طلبت فاطمه خان رئيسة الخدم مقبله الامير و اعترفت بتفاصيل قتل خديجه و انها والسلطانه جيهان والاميره نورين هما اللي عملو كدا بمساعده واحده من اطباء القصر واللي اتقلت في نفس يوم مقتل السلطانه نورين في بيتها و كمان اعترفت بوجود جنين في رحم خديجه كان عمره 7 اسابيع تقريبا وانها عملت كدا بامر من السلطانه عشان تخلص من خديجه اللي كانت مسيطره علي عقل الامير تماما قالت انها استعدتها لجناج السلطانه و من هناك حباسوها في مغاسله القصر لمده اسبوع و طول الاسبوع كانت بتتعرض لابشع تعذيب لحد ما اكتشفه انها حامل فطلبت السلطانه نزع الرحم والثدي دي الضربه القضيه ليها طبعا ماتت بين ايدهم الغريب ان الجثه اترمت في عرض النهر ازاي قدرت تخرج و تبقا جانبه دا اللي كان غريب وبعد ما خرجت من جناح الامير علي الزنزانه وصدور حكم الاعدام ضددها فتح الحراس باب الزنزانه لاقوها متعلقه من رجلها و هي بتنزف و مقطوعه الراس دا غير انفجار الكبد داخل الامير في نوبه اكتئاب و بعدها قام حريق جامد في القصر و تقريبا كا اللى كانو موجودين ماتو اللي قدر يعيش هما حراس البوبات الخرجيه للقصر
.. يا ساتر يارب يا ساتر يارب ايه الوحشيه دي في حد بيقدر يعمل كدا
.. روح خديجه يا رنا لحد دلوقتي متعلقه و السر في اللوحه اللوحه دي نقوس خطر في ايا مكان اتوجدت فيها و انا بدور و بحاول اعمل تتبع للوحه خديجه و الامكان اللي اتوجدت فيها وصلت لكميه جرايمه ابشع من دول كمان و الضحايا كلهم ستات والسر ان اللوحه فيها روحها لان كل اللي يتعلق بيها اختفي الا اللوحه دي واي مكان ظهرت فيها اللوحه ظهرت جريمه جديده
.. بس ليه هي مش انتقمت منهم ليه قتلت الستات دول
.. خديجه يا رنا اي ست عدو ليها و خصوصا لو متجوزه
.. طب و الحل
.. الحل يا رنا ان اللوحه تنحرق بالكامل
.. بسيطه هروح اجيب بنزين و نخلص منها
.. لا طبعا يا طارق الحرق اولا لازم يكون في مكان مفتوح و مفيش ناس و ثانيا حرقها يكون بالقران
.. خلاص انا هكلم بابا هو يعرف شيوخ كتير
..لا يا رنا انتي لازم تروحي بنفسك لحد من شيوخ الازهر و انا هاجي معاكي لازم يتم تحصينك انتي الاول
.. خلاص بكرا نروح
.. تمام ولحد ما دا يحصل لا انتي ولا الولاد تخرجو من هنا وخصوصا الولاد
.. طب مش هي ممكن تيجي هنا
.. لا متقلقيش يا رنا انا البيت متحصن كويس نسيتي اني بستضيف شيوخ كل فتره عشان يقرو و يباركو البيت
......................
وبعد يومين وبعد ما راحت رنا لمشيخه الازهر و حكت كل القصه هناك طلبت منهم المساعده و بالفعل اتوافق علي طالبها و راح طارق و يحيي المنشاوي و واحد من الشيوخ عشان يخرجو اللوحه من الشقه بس الوضع كان صعب هناك
بمجرد ما فتح طارق الشقه كان في ريحه مش طبيعيه ريحه دم فاسد و الشقه كانت بركت دم قدر طارق يخرج اللوحه من الشقه باعجوبه بعد نوبات صريخ مش طبيعيه لدرجه انهم حاسو ان العماره هتقع من شده الصريخ
اخد طارق اللوحه لمكان صحراوي علي طريق الاسماعليه هناك حصل مشاهد اصعب من انها تبقا موجوده في فيلم رعب
بدء الشيوخ الخامسه بتلاوة القران و الذكر في مكبرات صوت لتغطيه اكبر مساحه و ثبت طارق و يحيي اللوحه في الارض ورنا في الجهه المقابله للوحه اللي الونها و تعبيرها كان بتتغير صريخ مرير في كل المكان الارض بتتزلازل بتدور بيهم الرمل بقا عباره عن بركت دم روايح بشعه في كل مكان اصوات ضحايا خديجه بتصرخ ساعه من الشد والجذب بين الشيوخ و روح خديجه ساعه من الالم و الصراخ والخوف والقلق وانتهت بمجرد فقدان رنا وعيها
انتهي الصراخ الدم اختفي اللوحه اتحرقت اما رنا دخلت المستشفي بعد ما فقدت وعيها و استمر الوضع لمده يومين التشخيص الطبي اكد انها حاله انهيار عصبي رنا فاقت و كانت حاسه ان كل دا حلم انتهي الكابوس اخيرا مفيش دم مفيش حاجات غريبه الا ان الاطباء فضلو وجود رنا مده في المستشفي لحد ما تتحسن وبعد فتره خرجت رنا من المستشفي
.. احنا رايحين علي فين يا طارق دا مش طريق شقتنا
..انسي الشقه دي يا رنا كفايه اللي عشنا فيها انا فرشت الشقه اللي اشترتها ليكي و هنعيش فيها
.. طب و شقتنا
.. خدت الشر و راحت النار قامت فيها و دمرتها
.. ايه بس بس دي فيها كل حاجه بحبها
.. متقلقيش ربنا الهمني و نقلت الحاجه دي
.. الحمد لله بس ازاي قامت النار فيها
.. والله يا حبيبتي مش عارف بس خلاص انا هبعها و كفايه كدا
... ...............
وبعد سنه كل حاجه فوق بقت فوق الممتاز رنا في الشهر الاخير و مستنيه بنوته هتسميها اسما و طارق بيتقدم في شغله و الطفلين اتحسنو نفسيا و جسميا بعد فتره صعبه و ناردين اتجوزت و في شهور حملها الاول
رنا وطارق اتعلمو ان لازم البيت ديما يبقا متحصن باسم الله و بقا كل فتره يستضفو عدد من الشيوخ و يعملو حاجه حلوه لاهل الله طارق المنشاوي عمل لاسما زوجته الراحله صداقه جاريه و اوصي رنا انها تعمل كدا بعد وفاته
و توته توته خلصت الحدوده ^_^
تعليقات