البوابة المحروقة
صباح يوم جديد فى بيتنا نايم زى المقتول و اختى بتحاول تصحينى
"عمار عمار قوم بقا يا عمار هتتاخر ع الامتحان قوم"
" اووف بقا عاوزه ايه يا زفته انتي ع الصبح
" زفته صدق انا غلطانه اني بصحيك قوم على امتحانك
" الله يخربيت ام الثانوية عامة هو انا مش هخلص بقا يا ربي
" قوم يا عمار امتحانك هيبدا كمان نص ساعة قوم بابا مستنيك تحت بالعربية
عمار بيقوم بسرعه جدا و يلبس و ياخد حاجته و ينزل ع السلم بسرعه كبيره جدا لدرجه انه كان هيقع ع وشه و كان اخر امتحان له فى اليوم ذا و كانت ماده ميكانيكه و أخيرا هينهى امتحاناته و نفسه ربنا يكرمه و يبقا مهندس
ياسر" كل يوم تتاخر على امتحانك و ادبس انا فى توصيلك عشان انت مستهتر و بتنام و تنسى نفسك
عمار" اسف يا بابا ماما هى السبب المره دى قولتلها تصحينى بدرى و سبتنى
: اه يا خويا نبع الحنان عشان انت ترتاح و انا اوصلك طبعا
عمار" البركه فيك يا بابا ربنا ما يحرمنا منك ادعيلي يا بابا انا خايف
: خير يا عمار قول يارب و ربنا هيكتبلك كل خير
عمار وصل مكان اللجنه و كان مرعوب وكان مخه اتمسح من كل حاجه للحظه حس عمار انه متكتف و مش عارف يتحرك من مكان الوضع استمر للدقيقه بالظبط دخل عمار اللجنه وانهى امتحانه بسهوله وحل كويس كمان خرج عمار و فتح تليفونه لاقى رساله من ولده انه مش هيعرف ياجى ياخده كالعاده و يفضل يركب تاكسى ومش يتمشى لان عمار عنده اصابه فى رجله اليمين بسبب الكوره لكن عمار قرر انه يتمشى و يمشى من طريق البوابة المحروقة رغم كل الاساطير اللى اتحكت عن رعب المكان دا عمار قرر ياخد الطريق دا لانه اقصر
ودع عمار اصحابه و مشي هو وكريم
كريم"أخيرا يا صاحبي خلصنا امتحانات ياااه
عمار" اه أخيرا مفيش مذاكره تاني
كريم" انت رايح فين يا عمار
عمار" مروح يابنى مالك
كريم" مروح منين يا عمار من طريق البوابة المحروقة
عمار" متقوليش انك خايف من الشارع ذا
كريم" ليه هو انت مش خايف يا عمار
عمار" لا طبعا كل ذا كلام مالوش اى دليل
كريم" لا ياعم مش لاعب انا همشى مش الشارع التاني
عمار "تمام يلا سلام
كريم "سلام ايه امر لله يلا يابو مخ حجر اعوذ بالله من دماغك يا جدع
عمار" هههههه يلا و بعدين احنا بالنهار يعنى
دخل عمار و كريم شارع البوابة المحروقة الدنيا هاديه جدا مفيش حاجه مريبه مفيش اى شئ غريب لحد ما فجاه و بدون مقدمات ظهرت طفله في سن خمس سنين و معاها كوره ظهرت فجاه ابتسمت لعمار و كريم ابتسامه شرحت قلبهم و طمنتهم جدا
الطفله" عمو عمو ممكن تقولى اروح المكتبه ازاى اصل انا ماما استنت هناك و انا مش عارفه اروح
عمار" بصى يا حبيبتى هتخرجى من الشارع دا و تمشى على ايدك اليمين
الطفله" ايدى اللى باكل بيها يعنى
عمار اه يا حبيبتى هتلاقى المكتبه فى وشك على طول
الطفله " شكرا يا عمو انا اسمي شذي هو انت اسمك ايه
عمار" انا اسمي عمار
مشيت الطفله و ودعت عمار و كريم بنفس الابتسامه لكنها فجاه اختفت بعد ما بعدت عنهم بخطوات زى ما تكون اتبخرت كريم بص لعمار نظره كلها رعب عمار مهتمش كملو الطريق و روح عمار بيته و نام لكن ابتسامه البنت مكنتش بتفرقه بعد ساعتين من نوم عميق رن تليفون عمار و صحى على صوت حنين بنت اخته حنان بتصحيه عشان وحشها اوى و عاوزه تشوفه عمار قام و البس و قال لمامته انه هياكل عند حنان نزل عمار وركب تاكسي و لما وصل عن حنان و شاف بنتها اتصدم من شكل حنين
بصيت لحنين و شوفتها نسخه من شذي البنت اللى شوفتها الصبح
"ايه جابك هنا يا شذي
"شذي؟ شذي مين يا خالو انا حنين
_حسيت و كانى بشوف فيلم او بعيش حلم غمضت عيني لثواني و فتحتها لاقيتها حنين بس الغريب انها بلبس شذي و نفس تسريحة الشعر
" حولت انهي الموقف و اتظهرت اني بهزر معاها و ضحكت عليها بس انا مقدرتش انسي
" عدي شهر و محصلش أي جديد نتيجه الثانويه خلال اسبوع و انا مرعوب وفى يوم كنت مع صحابى و كنت مروح لوحدى كالعاده استسهلت طريق البوابه المحروقة و مشيت منه و فجاه طلعتلى شذي اترعبت منها بس ابتسامتها نستني
" مالك يا عمو مخضوض ليه
"لا يا حبيبتي انا بس مستني نتيجتي و مقلق شويه
_مش تقلق يا عمو هتيجب مجموع كبير اوي و هتبقا مشهندش زي ما انت عاوز
"هههه اسمها باشمهندس بس مش مهم ربنا يسمع منك بس انتي عرفتي منين
_انا اعرف كتير
... قالت الجمله دي ومشيت مش عارف ليه حسيت بالرعب حولت اتابعها لكنها اختفت عند البوابة المحروقة....
" بعد يومين النتيجه ظهرت و نجحت و جبت مجموع عالي فعلا مش عارف ليه افتكرت كلام شذي و في نفس الوقت اترعبت عدي شهرين تقريبا و انا مش عارف اشوفها بروح الشارع مش بشوفها و كنت طبعا قدمت فى كليه هندسه و عدت ايام و يمكن شهور و انا مش بشوفها الكليه شغلتني و هبه زميلتي و حبيبتي
.. قبل يوم عيد ميلادي بيوم واحد كنت مروح من شارع البوابة المحروقة مش عشان اشوف شذي بس اسهل لاني اصلا كنت فقدت امل اني اشوفها تاني فجاه و كالعاده ظهرت شذي قدامي بس كنت بتنزف دم من كل منطقه فيها منظر مرعب و كانها مضروبه بالنار في مناطق متفرقة في جسمها حولت افهم استوعب ازاي ليه مش لاقي تفسير
_بتبصلي كدا ليه يا عمو
" ايه الدم دا انتي و قعتي
_ لا مش وقعت
" اومال دا ايه
_ انا مت
.. الرعب امتلكني ضربات قلبي بتتصارع ضغط الدم بيرتفع فقدت الوعي
مش عارف ليه حسيت انها نهايتي بس القدر كان له كلام تاني
فتحت عيني لاقيت امى جانبي و بتبكي مفهمتش
_حمد لله ع السلامه يابني أخيرا فوقت
" ايه اللي حصل يا امي
_منعرفش لاقينا فجاه الناس جايبينك وجايين و انت فاقد الوعي و نبضك ضعيف و مناخيرك بتنزف
"جايبيني منين
_ قالو انك كنت جاي ع البيت و فجاه و قعت من طولك قدام القهوة بعد ما فضلت حاولي 10 دقائق متنح
" بس انا مش فاكر أي حاجه غير اني كنت في شارع البوابة المحروقة و..
.. قبل ما اكمل كنت امي بتبرقلي و عينها وسعت و كانها هتتحول عليا
_ تاني يا عمار تاني شارع الزفته المحروقة انت بتعاند مع مين معايا و لا مع نفسك
" اهدي يا ماما
_اهدا ايه وزفت ايه اخوك كان عنيد و مات بسبب عنده ولا نسيت
" ماما محصلش حاجه لكل دا
_ وانا هستني لما يحصل انا هقول لابوك و هو يتصرف معاك
.. امي صحت ابويا و حكتله كنت منتظر من ابويا انه يتعصب عليا و يسمعني كلمتين لكن اللى حصل غير كدا
_ عمار
" نعم يا بابا
_ بتروح الشارع دا ليه
" والله يا بابا انا بس بستسهله
-اسمع يابني بعد موت اخوك احمد انا اتقسمت الشارع دا خطر مش همنعك تمشي فيه بس فكر فينا حاول ترضينا
... كلام ابويا قهرني انا فعلا مش بفكر فيهم و قررت مش همشي من الشارع دا تاني و عدت شهور كنير وانا مش بمشي من الشارع دا بس مع كل الشهور دي مقدرتش انسي منظهر شذي وهي بتنزف و قررت اسال امي عن البوابة المحروقة و ليه كل الاساطير دي
" ماما هي ايه حكايه البوابه المحروقه دي
_ انت رجعت تمشي من هناك تاني
" ورحمه احمد ابدا يا امي انا عاوز اعرف بس
_ بص يابني من حوالي 15 سنه كدا مثلا البيت دا كان بيت عائله كلهم في قلب بعض متعرفش مين ابن مين من كتر ما هما بيعملو بعض و بيعملو العيال كانهم واحد
لحد ما في يوم حصل خلاف كبير بين احمد الابن الكبير و عثمان الابن الاصغر بسبب طمع عثمان لان احمد اللى كان ماسك كل حاجه و بيدير مكان الحج رافع ابوهم طبعا بتوكيل رسمي بس عثمان كان غير كل اخواته مكنش بيشبع و لا يقول الحمد لله الصدام دا قسم البيت نصين ذا لان ولاد الحج رافع كانو 6 صبيان و 4 بنات لان عثمان اقنع اخواته ان احمد بيسرقهم لانه مش شقيقهم احمد و حمدي و مصطفي و ريم ومريم و نجلاء كانو من ام و عثمان و عادل و رافت و رانيا من ام الخلاف وصل لحد كبير و الحج رافع مكنش قادر يتحكم فيهم بسبب سنه اللى كبر و حالته الجسديه اللى ادهورت جدا و اتنقل للمستشفي احمد كان عنده بنت اسمها شذي اصغر ولاده و في يوم اختفت تماما الكل اتهم عثمان الا احمد مكنش بيصدق ولا بيسمع لحد ما في يوم شمو رايحه غريبه جايه من تحت السلم و كانت دي المصيبه...
" لاقو شذي مقتوله صح
لا لاقو ابن عثمان الكبير ميت و طبعا عثمان اتهم احمد انه هو السبب او هو اللى قاتلو لكن الطب الشرعي اثبت ان الولد كان بيتعطي مخدرات واخد جرعه وقفت قلبه تماما و يوم ما توفي كان المفروض انه هيسافر يخلص شغل و طبعا شرب و حصل اللى حصل و مات و محدش عرف غير بعد ما الريحه طلعت و لان عثمان كان مشغول بمشاكله مع احمد مفكرش يسال عن ابنه لكن عثمان بردو مصدقش الطب الشرعي وصمم انه احمد اللى قتل ابنه اما شذي فكانت مستخبيه طول الوقت دا بسبب خوفها شذي كان عندها مشاكل ف القلب فكانت بتبعد عن المشاكل لانها كانت خايفه تموت .
-شذي رغم صغر سنها الا انها كانت ذكيه جداا سمعت الدكتور و هو بيقول لابوه أي ضغط او مشاكل لازم تبعدو شذي عنها قلبها مش هيستحمل و احمد كان بيبكي لانها نقطه ضعفه الوحيده رغم انه عنده عيال غيرها كتير بس كانو ولاد و هو كان نفسه ف بنت شذي ظهرت بعد ما مات ابن عمها ب3 ايام و طبعا نار الحقد كانت ف عين عثمان و عياله لان لو شذي ماتت احمد هينتهي
" وبعدين قاتلوها
_ عثمان كان لو ولد متهور و مجنون حاول يخطف شذي عشان يحرق قلب ابوها و يضغط عليها عشان يتنزل عن كل حاجه لعثمان بس اللي حصل كان كارثة شذي قومته و هى بتجرى منه ..
.. قطع كلامنا دخول اختي ندي و كانت مرعوبه
.. ماما حنان اتصلت و بتقول حنين تعبانه و اخدوها ع المستشفي
جرينا كلنا ع المستشفي و مفيش علي لسان امي غير استر يارب
حنين اتكهربت و الكهرباء عملت لسع في مناطق من جسمها لكن الحمد لله مكنش خطير في نفس اليوم هبه كلمتني و قالتلي انها هتسافر لمده اسبوع ما اخوها مكنش ليا نفس ولا فيا اعصاب احكي او اتكلم معاها منظر حنين و مناطق اللسع متشابها بطريقه ما مع المناطق اللي شوفت شذي بتنزف منها منظر رعبني خلاني مشتت و كان عندي فضول اعرف ايه اللى حصل
و بعد ايام امي كملتلي الحكايه
_شذي قومت ابن عمها و هي بتجري وقعت من ع السلم وحصلها اصابات كتيره ف جسمها منها كسر ف الحوض و نزيف ف المخ و لما نقلوها المستشفي كانت بتنزيف من كل مكان في جسمها مكنتش ماتت كان لسه فيها الروح و احمد لاحظ ارتباك ابن عمها وحس انه يعرف حاجه بس انكر طبعا شذي قعدت فى غيبوبه 3 شهور حولو معاها بكل الطرق لدرجه وصلت ان احمد يجبلها شيوخ و كل المحاولات فشلت ولما استمرت الغيبوبة للشهر الرابع احمد جاب دجال
" دجال ؟
_كان ياس ان بنته تفوق حاول يمكن تفوق كانت نقطه ضعفه و اكتر حاجه توجعه و تكسره بس احمد مكنش يعرف انه دجال لان صاحب عمره هو اللى قاله عليه لكن الدجال طينها اكتر
"؟؟؟؟
_ الدجال مقدرش يساعدها او زي ما هو كان فاكر انه بيساعدها الا بطلمس شيطاني البنت فاقت فعلا و قالت ع اللى حصل من ابن عمها لكن معشتش كتير كبدها انفجر و بقيت تنزف من كل فتحه فى جسمها حتي عينها اللى حضر على شذي كان قوي و هي كان جسمها ضعيف طبعا مستحملتش و الدجال مكنش قال لابوها أي حاجه لان احمد كان فاكره شيخ و من بعد ما عمل كدا وحضر و عزم و جاب الشيطان دا شذي ماتت و الدجال دا اختفي تماما و من بعد ما ماتت بدات حاجات غريبه مالهاش تفسير ولا معني تحصل زي..
" كالعاده كان لازم تحصل حاجه تقطع الحكايه في جزء مشوق المره دي كانت هبه و كانت منهاره و بتعيط معرفتش افهم منها حاجه لبست و نزلت و اتقابلنا و هي اللي كملت ليا باقي القصه...
.. اول مره كنت اخد بالي من اسم هبه الكامل هبه حمدي رافع هبه لما كلمتني كانت بتكلمنى من الشارع بعد ما خبطت عربيه واحد و حصل مشكله و مكنش قدامها حد غيري لان بيت قريب من مكان الحادثه بس لان المشكله كبرت وصلت للقسم و هناك سمعت اسمه هبه الكامل مش عارف ليه ربطت بين اسمها و بين شذي. شذي احمد رافع الموضوع خلص و خرجنا من القسم و اخدتها و روحنا نشرب حاجه تهدي اعصابها لانها كانت منهاره فعلا
" هبه ممكن اسالك على حاجه
_اكيد يا عمار
" انتي تقربي لشذي احمد رافع
.. بمجرد ما سمعت الاسم وشه اصفر و ملامحها اتبدلت تماما لملاح خايفه و مرعوبه بلعت رقيها بصعوبه و ردت عليا
_انت عرفت منين و اشمعانا شذي
.. فهمت ان في حاجه كبيره هبه مخبيها او خايفه منها مكنش ينفع اقولها ان شذي ظهرتلي
"مفيش بس انا ماما كانت بتحكيلي عن البوابة المحروقة ولاحظت ان اسمك مشابه لاسم شذي بس بصراحه ماما مكملتش يعني لما كلمتيني نزلت قبل ما ماما ما تكملي
_شذي تبقا بنت عمي الكبير احمد و كنا ف سن بعض تقريبا بعد موت شذي بفتره قصيره كل حاجه اتغيرت كل حاجه بقيت غريبه سبنا البيت و مشينا عمار انا عاوزه امشي دلوقتي
.. استغربت من رد فعلها بس اتاكدت ان في حاجه و حاجه كبيره فضولي كان هيموتني بس مكنش ينفع اضغط عليها روحتها و انا جوايا مليون علامة استفهام و قرارت اني اسمع منها هي متكلمتش مع ماما في حاجه و بعد اسبوع هبه طلبت تشوفني روحت و انا متحمس جدا للمقابله دي
هبه كانت ملامحها تعبانه مجهده روحها مختفيه لونها باهت اترعبت عليها و منها هبه كان فيها كتير من ملامح شذي
_ ازايك يا عمار
"انتي مالك فيكي ايه انتي كويسه
_اه يا عمار كويسه اهدا
" اهدا ايه شوفتي شكلك ف المرايا عامل ازاي قولي في ايه
.. كانت اول مره انفعل عليها اوي كدا
_ مفيش يا عمار منمتش بقالي فتره بس قولي يا عمار شذي ظهرتلك
.. اتصدمت من سؤالها معرفتش ارد حسيت بالرعب
"اه يا هبه و خوفت اقولك تفتكريني مجنون
_عارف انا منمتش طول الفتره دي ليه شذي كانت معايا
" معاكي! انتي بتقولي ايه
_شذي كانت بتظهرلي في احلامي من يوم ما عرفتك مكنش فاهمه ليه بس لما سالتيني عليها اتلكدت ان في رابط بس طول الاسبوع اللى فاتت كانت احلامي مرعبه بشوفها و انا صاحية شذي غضبانه معرفش في ايه حاول تفهمني
"شذي ايه اللى غضبانه شذي ماتت
_شذي روحها متعلقه بين السماء و الارض
.. للثواني حسيت اني بكلم مدمنه او مجنونه او حتي ممسوسه
"ثواني بس انتي في وعيك
_انا اسفه يا عمار انا مكنتش اتوقع منك كدا انا ماشيه
" انا اسف اقعدي بس انا مش فاهم
- شذي ماتت موته مش طبيعيه من اول وقعت السلم لحد انفجر الكبد
" ازاي
_ بعد موت شذي كل حاجه اتغيرت و اتقلبت انفجر الكبد مكنش له سبب طبي واضح بس صاحب عمي اعترفله ان الشيخ اللى ساعد في شفاء شذي دجال مش شيخ و الدجال دا اتقتل بعد موت شذي بيوم واحد بطريقه فظيعة لاقوه متشعلق من رموشه بعد فصل كبده و تقطيع اطرافه و حاجات تانيه مقرفة وكان في زي وشم على جيبنه ولما بابا و عمي ساله كتير عارفو ان الشيطان اللى حضر على شذي هو كان سبب في انفجار كبدها لان النوع دا من العازيم و الطلامس مش بينتهي الا بموت الشخص نفسه و الدجال دا مقدرش يتحكم فيه لانه كان قوي بعد ايام و بالتحديد بعد 3 ايام من اكتشاف الحقيقه ظهرت شذي في الحلم لعمي احمد و حذرته انه يقعد ف البيت عمي سمع كلام شذي و قال لكل اخواته بس محدش سمع منه عمي اخد اولاده و جدي وجدتي و راحه البيت القبلي جدي كان بيبنى بيوت كتير فى كل حته بعد يومين رئحة الدم كانت في كل مكان ف البيت كل مكان داست رجل شذي عليه و بدءت سلسله حرايق كبيره تحصل من املاك عمي عثمان دا غير ابنه اللى مات ف السجن بنفس الطريقة اللى مات بيها الدجال و بردو كان نفس الوشم بعد كدا عرفنا ان الوشم دا ارقام تدل علي اسم شذي بطريقه اللى موجوده ف الكتاب الجامع اللى كان بيحل الغاز و الطلامس و كمان كتاب شمس المعارف اللى كان فيه العازيم سلسله الحرايق امتددت لاملاك العائله كلها و منتهتش الا بموت عمي عثمان مكنش في تفسير اصلا ان ليه عمي عثمان بالذات سلسله الحريق دي استمرت ل6 شهور تقريبا لحد ما عرفنا ان الدجال دا جه عن طريقه هو او بمعني اصح لعب على صاحب عمي و عرفه ع الدجال دا عشان يقتل شذي بعد ما عرف ان ابنه ممكن يتسجن فيها و في اليوم ال3 لموت عمي عثمان الحريق مسكت في البيت كله و كلت كل حاجه و اخدت معاها جزء من العائله
.. فجاه كشفتلي دراعها و شوفت فيه حرق كبير
" ايه دا
_ انا كمان كنت هموت معاهم بس ربنا كتبلي النجاة و دا اثر الحادث كانت النار بتخمد و تقوم لوحدها مكنش حد عنده الجراه انه يدخل البيت تاني لكن الشيوخ هما اللى رابطو بين موت شذي بطريقه مش طبعيه او بمعني اصح قتلها و بين كل اللى حصل البيت اتقفل بعد ما اتعزم عليه و قراءه قران متواصل و حاجات كتير اوي و الشارع اتهجر بسبب خوف الناس اللى قالو انهم بيشمو رائحه الدم بتخرج من البيت
.. صمت قاتل للحظات و فجاه قامت و شدتني من ايدي و انا ماشي معاها و مش فاهم حاجه
" واخداني علي فين
-للشخص الواحيد اللى هنلاقي عنده تفسير لكل دا
" تفسير لايه في ايه يا هبه
..فجاه سبت ايدي ملامحها حزنت اكتر بعدت عني خطوات و قعدت ع الرصيف بدءت تبكي و روحها تروح منها محستش بنفسي و انا بحضنها و ابوس دماغها و امسك ايدها اللى كانت تلج ضمتها لاول مره حسيت بقلبها اللى بيرتعش نسيت أي حاجه و لما هديت حكتلي بتفكر في ايه
_اسمع يا عمار لازم نروح للشيخ بهاء
" مين دا
_ دا واحد من الشيوخ اللى كانت موجوده يوم قفل البيت و كان بيتوصل معانا عشان يطمن علينا تعالي نروح له اكيد عنده تفسير
.. سمعت منه و لاغيت عقلي ورحت معاها مكنش ينفع اقولها لا كلمنا الشيخ بهاء لكنه كان برا مصر و بعد 3 ايام رحنا
** خير يا هبه مكالمتك قلقتني
_اعرفك الاول ب عمار زميلي
.. الراجل بصلي كانو فاهم كل حاجة هز دماغه من غير ولا كلمه
_شذي يا شيخ شذي ظهرت لعمار و بقيت ترعبني في احلامي
** احكيلي يا عمار شوفتها ازاي و عرفت انها تقرب لهبه ازاي
..حكيت كل حاجه اعرفها الراجل كان تعبير وشه ثابت مش بيتغير و بعد ما خلص كان رده مالوش علاقة بالموضوع
** قولي اخوك مات ازاي
.. صوت صارصور الحقل انا مش فاكر اني قولتله عن اخويا اصلا تنحت لثواني و هو فهم اني مصدوم من سؤاله
** هقصر الطريق عليك بس احكيلي عن اخوك و انا هديك رد لكل سؤال في دماغك
.. سهمت شويه موت اخويا كان من 10 سنين كان في سني الحالي كان عنده 19 سنه احمد كان اكبر مني ب 9 سنين لاني اصغر اخواتي
"لما مات احمد كان عندي 9 سنين احمد مات في اسكندرية غرق عاند مع امي و ابويا و صمم يروح و رجع جثه رغم ان الموج مكنش عالي و لا داس ف مناطق خاطر كان معاه اصحابه و كلهم تقريبا ف نفس المكان الا ان القدر اختاره هو
** دا اللى امك حكيته بس
.. نبره صوته و طريقته نرفزتني كدا استفزني لدرجه كبيره
" نعم ! انت واعي لكلامك يا عم الشيخ
** امك كدبت عليك
.. الغضب اتحول لعلامات استفهام تساؤلات و صراع بين قلبي و عقلي صمت رهيب قتل كل احساسي باي حاجة بتحصل
**اخوك اتقتل مش مات زي ما ولدتك فهمتك اخوك شاف اللي حصل لشذي
" انت بتقول ايه ما تتكلمي يا هبه
_ايوه يا عمار اخوك احمد شاف اللى حصل وسكت و اتعاقب هو واخويا
" انتم عاوزين تجننوني صح
_ احمد اخوك كان صاحب محمد اخويا و كان عندنا ف البيت و شاف ابن عمي عثمان و هو بيجري وراء شذي و متكلمش وبعد دخول شذي ف غيوبه احمد حكي لمحمد اخويا لكن محمد خاف و سكت و قرر يسكت احمد عشان الموضوع ميكبرش اما محمد اخويا فحصل حريق في البيت بعد موت اخوك ب 3 ايام و محمد مات فيه بعد ما وصلت الحروق ف جسمه 85%
** ف اليوم اللى اخوك سافر فيه اسكندرية روح شذي كانت معاه لو دورت شويه في حاجة احمد هتلاقي سلسله السلسله دي بتاعت شذي و مش بعيد تكون السلسله دى معاك انت دلوقتي عشان كدا ظهرتلك
" ايوه فعلا لاقيت في حاجة احمد سلسلة كان شكلها غريب عجبتني و خبتها من ماما و لما اخدتها اول مره كان اخر امتحان ف الثانويه العامه و اليوم دا ظهرتلي شذي لاول مره
_ ايوه بس ليه شذي غضبانة و ليه الاسبوع اللى فاتت كانت بترهبني ف احلامي
** السلسله دي فين دلوقتي
" مش عارف وقعت مني الاسبوع اللى فات لما كنت مع هبه و..
انت قاصدك تقول ان السلسلة دي هي سبب ظهور شذي و هي اللى سببت الرعب دا كله لهبه
** هبه دورى كدا في شنطتك او جيبك ع السلسلة دي
..هبه قلبت الشنطه بعد ما افتكرت فعلا ان الشنطه دي اللى كانت معاها يومها و لاقيتها فعلا الشيخ اخدها من هبه و لفها بقطعه قماش مكتوب عليها ايات من سوره ياسين
**السلسلة دي متاخده من رقبه جنيه من العالم العلوي والنوع دا اشد من جن العالم السفلي لانهم ملوك السلسلة دي شذي لبستها و اتحضر بيها الشيطان اللى حضر على شذي لكن الجنيه صاحبه السلسلة دي مكنتش راضيه تسيب حقها لان السلسلة دي تعريف ليها في عالمها لحد دلوقتي انا معرفش الدجال دا قدر ينزعها من رقبة الجنيه ازاي حصل صراع بين الجنيه صاحبه السلسلة و الشيطان اللى حضر السلسله كان مدون عليها الطلمس اللى حضر بيه لان أي وشم كان هيترسم علي جسم شذي كان هيلفت الانتباه ولما حصل الصراع دا بين الجنيه و الشيطان سبب موت شذي لانه حصل داخل جسمها خلايا مخها حصل فيها تلف مع انفجار الكبد وتضخم الكليه
الجنيه دي لحد دلوقتي بدور علي السلسلة لكن روح شذي هي اللى منعها من انها تعرف هي فين . اللي بيظهرلك و بيظهر لهبه مش شذي يمكن شكلها لكن دي الجنيه بتدور في احلامكم و معتقداتكم عشان تعرف تاخد السلسلة لانها فقدت كتير من قوتها بسبب ضيع السلسلة و يمكن لان روح شذي طيبه ادخلت و انقذتك رغم انك معاك السلسلة
" والحل
** الحل ان البيت لازم يتفتح و السلسلة بطريقه او التانيه ترجع و الطلمس المنقوش علي ضهر السلسلة يتمحي
"انا مش فاهم حاجه ليه الطلمس يتمسح و ليه البيت يتفتح
**البيت هو المكان الوحيد اللى الجنيه دي بتظهر فى محيطه و يمكن تكون سكنته طبيعي نفتحه عشان نرجع السلسلة لانها مستنيه هناك اما الطلمس فهو ادي لسلسلة و للجنيه قوه فوق قوتها ذا طبعا لو لبستها تاني و الطلمس دا لسه موجود
_بس كدا هنتذي يا شيخ
* مفيش داعي للخوف لاننا هنستعين بالله و كلماته التامات عشان يحمينا
.. مشينا من عند الشيخ وانا جوايا مليون سؤال و سؤال اسبوع تقريبا و مفيش بيني و بين هبه أي اتصال اسبوع من حرق الاعصاب حتي الكليه مبقتش اروحها عامل زي المحكوم عليه بالاعدام لا عارف يهرب و لا طايل رصاصة الرحمة بس مستني تنفيذ الحكم لحد يوم الجمعه كنت بجهز عشان انزل اصلي رن تليفوني برقم هبه قالتلي نتقابل بعد الصلاه عند البوابة المحروقة قلبي اتقبض معرفتش ارد هبه بلغتني الكلمتين دول و قفلت من غير ما ارد صليت الجمعه و كانها اخر صلاه ليا استعنت بالله و رحت لهبه و للشيخ ايهاب عند البوابة المحروقة
_ اتاخرت ليه يا عمار
"اسف بس كنت بصلي و رجلي عجزتني
- سلامتك يا عمار
.. هبه مسكت ايدي استغربت بس فرحت لمست ايدها دفتني و اطمنت حسيت بقوة كبيره اني اعمل أي حاجه
الشيخ ايهاب لبسني انا وهبه حاجه زي عقد لاكنه كان مدون عليه ايات من القران و طلب مننا إننا نلزم اية الكرسي عشان تحمينا فتحنا البوابة المحروقة ريحه الدم كانت خارجه من كل شبر في البيت البوابة اتفتحت بصعوبة كبيره كان الدم عليها دخلنا البيت و الشيخ طلع السلسلة من جيبه و خرجها بمجرد ما السلسلة خرجت البيت اهتز كانه زلازل الارض كانها هتنشق و تبلعنا الشيخ هادي وثابت و كانه مر بالموضوع دا كتير فجاه روح شذي ظهرت
.. الشيخ طلب مننا نهدا و محدش يعمل أي حاجه هدوء رهيب لحظات صعبه
** اسمعي يا شذي انا ممكن ارجعلك السلسلة بس تنصرفي من هنا للابد انا عرف ان الشكل شذي لكن اللى بتتحرك صاحبه السلسلة
..فجاه منظر شذي و هي بتنزف اتكرر ثواني بسيطه و عيونها اللي بتنزف اتسعت و ظهرت الجنيه بشكلها الحقيقي
/ هات السلسلة دي بتاعتي
** مش هتاخديها الا لما ترحلي عنا
/ هرحل لكن لما اخدها
* انتي عارف اني اقدر احبسك فيها و للابد مفيش أي اختيار تالت اما الرحيل او احبسك فيها للابد قتلتي احمد و محمد ليه
/انا مقتلتش حد
.. فجاه الشيخ ضغط ع السلسلة و كسر جزء من البلوره اللى جوه السلسلة و صرخت الجنيه بصوت هز كل زره تراب ف المكان السلسلة مش بس كان فيها قوها لا ذا كمان روحها
/ انا مقتلتش انا سخرت اللى يقتل مكاني قوتي مكنتش تسمح اني اقتل
** ازاي
/احمد غرق لما رجله اتزنقت بين صخرتين انا اللى زرعتهم عشان يموت و ارجع السلسلة لاكن الطلمس الملعون دا بعدني عنها
** ومحمد
/ محمد انا مقربتش منه هو اللى ولع فيه بعد ما عرف ان محمد بيدور عليه
** هو ؟ هو مين ؟
/الملعون اللى جه بالطلمس النجس ذا
**و عثمان و ابنه و الدجال ماتو ازاي
/ معرفش
..للمره التانيه تصرخ و تهز الارض بصريخ قوي يرعب
** المره الجاية هكسر السلسلة لو متكلمتيش علي طول انطقي ماتو ازاي
/ هو هو اللى قتل الدجال عشان هو الوحيد اللى يقدر يرجعه مكانه هو مكنش عاوز يرجع دخل عليه و دمر كبده قتله بالملح عشان يدمر الكبد بسرعه كان بيرحله كل ليله عشان يقتله بالبطئ و لما الكبد منفجرش فصل كبده عن جسمه و قطع اطرافه و لسانه و نزع القلب من مكانه الملعون دا كان عبد عنده و لما جتله الفرصه دمره
** وعثمان و ابنه
/ ابن عثمان عرف سر الطلمس و عرف يتفك ازاي بعد ما الدجال اقدمله الكتاب اللى فيه كل الاسرار عشان كان خايف من الملعون و لما قتلو راح لابن عثمان و عمل فيه زي ما عمل ف الدجال لانه كان بداء يدور عليه و يحضرو عشان يساعده يهرب من السجن الملعون حضر بس حضر عشان يخفي الكتاب و ينهي حياته لانه رافض يرجعله الكتاب اما عثمان انا اللى ولعت فيه هو اللى خد سلسلتي كنت معاه وملازمه بعد ما عزم عليا و ظهرتله سلب مني سلسلتي ازاي و امتي معرفش كان لازم يموت قتلته و ولعت فيه بعد ما عذبته . رجعلي سلسلتي
..الشيخ ابتسم و فعلا رجعلها السلسلة لكن بمجرد ما لبستها فضلت تصرخ تصرخ صريخ موجع لحد ما اتبخرت البيت بيتهز الارض بتنشق معرفش ايه بيحصل فقدت الوعي ياتري دي النهايه
فتحت عيني و مكنش عندي احساس باي حاجه حتي اطرافي مش قادر احركها و دماغي تقيله جدا كاني مضروب بقوه عليها في ناس حواليا بس مش عارف مين دول انا سامع صوتهم بس صورهم بيضه مفيش ملامح
غمضت عيوني للحظات و لما فتحت تاني شوفت امي و اخواتي البنات و هبه و واحد انا معرفوش كان واقف جانب هبه و سالتهم بلسان تقيل ايه اللى حصل
- حمد لله على سلامتك يا عمار كدا توجع قلب امك 10 ايام سايبني لوحدي
" ايه اللى حصل يا امي
:انت مش فاكر حاجه يا عمار احنا كما مع بعض فاكر
" ايوه فاكر بس.. بس مش فاكر ايه حصل تاني
.. دخل الدكتور و طلب من الكل يخرج برا كشف عليا قاس الضغط و النبض و قرا التقرير
"ممكن اعرف انا فيا ايه يا دكتور
_ نوبة قلبي مع شويه لغبطه في ضغط الدم و الحمد لله عدت علي خير
"انا بقالي قد ايه هنا
_10 ايام ياريت تستريح المجهود غلط عليك هنعملك رسم قلب و نطمن اكتر عليك
.. بعد ما خرج الدكتور حولت افتكر أي حاجه انا مش فاكر غير اني كنت حاضن هبه و البيت تقريبا بيتهد علينا دخلت هبه و معاه الراجل اللى كان واقف جانبها
_حمد لله على سلامتك يا عمار
" الله يسلمك ياهبه
-دا عمي احمد بابا شذي الله يرحمها
: حمدلله علي سلامتك يا بني هبه حكيتلي علي كل حاجه و عرفت انك حميتها من موت مؤكد
"انا بس انا مش فاكر حاجه
_بعدين يا عمار انا همشي و ياريت ترتاح الدكتور قال ان الكلام الكتير غلط عليك
.. مرت ايام و رجعت البيت ايام كانت ممله هبه كانت بتكلمني كل يوم بس مكنتش بتقولي ايه حصل و لما رجعت البيت هبه كلمتيني و قالت انها هتيجي تقعد معايا
" هبه احكيلي ايه حصل
_انا جايه عشان احكي ..لما الجنيه اتحرقت ح..
" اتحرقت ازاي
_الشيخ كتب علي السلسلة ايات من القران بخط صغير مكان الطلمس و بمجرد ما لبستها و لمست الايات دي رقبتها اتحرقت وهي بتتحرق وجهت ليا شعاع من نار كنوع من الغضب انت حضنتني و اخدت الشعاع مكاني بس الحمد لله انت متصبتش بس تعبت شويه
"ازاي
_ كلمات الله التامات هي اللي حمتنا الشيخ كان حاسب كل خطوه
" و البيت
_البيت زي ما هو عمي و بابا مستنين نخلص و نبقا مشهندسين عشان نعمل التصميم و نشتغل فيه بنفسنا ريحه الدم اختفت و النور رجع للشارع تاني و الشارع رجعله الناس والحياه
" و الشيطان
-رجع مكانه ازاي و امتي معرفش بس الشيخ طمني ومرضيش يقولي تفاصيل
.. عدت سنين و اتخرجنا و قررنا نبني البيت بتصميم من تنفذنا احنا البوابة المحروقة بقيت مكان جديد و هادي مريح للاعصاب البيت اتبنا علي تيراز ايطالي اتجوزنا انا وهبه و ربنا رزقنا ببنوته شذي عمار ياسر
تعليقات