حب حتي السرطان
د.ادم طبيب نفسي بيعالج حالات معينه بالاخص الناس اللى مرت بازمات نفسيه ادت لازمات جساديه
د.ادم -النهارده جه دور نهي الفرد الغامض اللى من اول ما انضم لينا وهو ساكت و حتى مش بيبتسم ياريت تتفضلى و تاخدي مكانك
بيتلف الكل لنهي (بنت فى اواخر العشرنات خمريه رغم حزنها الا ان ملمحها جميله وهاديه عيونها خضر وليها غمازات بتزيد جمالها وهي بطلت قصتنا)
نهي انضمت لجلسات العلاج النفسي الجماعي مع دكتور ادم من 4 شهور لكن طول الوقت دا مكنتش بتتكلم كانت بتسمع بس و النهارده جه وقت انها تتكلم
بتتحرك نهي بصعوبة ناحية الكرسي الموجود فى داخل الدائره وكل العيون مركزه عليها نهي كانت بتعانى من عجز بسيط فى رجلها نتيجة ضربة قويه ادت لبطي حركتها و احياتا لوقف حركتها تماما
خدت نهي مكانها وبدءت تتكلم
نهي: انا نهي عبد الرحمن عندى 28سنه خريجة السن قسم عبرى و عندى مشروعي الخاص بعيدا عن دراستى معلقة و معنديش اطفال
ادم؛ يعنى ايه معلقة
نهي بابتسامة سخرية يعنى لا انا متجوزه ولا مطلقة حاجه كدا زى اللى لا طايله سما ولا ارض
ادم ،كملى يا مدام نهي ايه اللى وصلك لكدا
نهي.القلب القلب اللى حب سنين و خلانى استحمل اشكال العذاب كلها عشان بحب لحد ما جالى مرض السرطان ..
ادم:مدام نهي احنا عاوزين حضرتك تحكلنا عن طفولتك عن بداية حياتك عن اهلك
نهي، انا بنت وحيدة امي و ابويا و كان ليا تؤام بس سافر و بعد عنا لان مكنش حابب نمط حياتنا كان عاوز يعيش حياة مودرن بعيده عن اصولنا و تقاليدنا وحتى الدين بابا كان اوسط اخواته مكنش مدلعنى كان مربنى وكان ومازال حنين ام امي مكنتش عارفه هي بتحبنى ولا لا بابا كان بيعوضنى عن اى حاجه بس بحدود ولدى واخواته كان من اصحاب الاملاك وشريكات الشركة كان ليها فروع كتير وعلى الرغم من دا اولاد عمي مكنوش متعلمين تعليم عالى فيما عدا رامى ابن عمى عايش الكبير هو اللى دخل كلية تجاره اما انا لما جه دورى البنات كبرو فى دماغ امى انى مش لازم اتعلم تعليم عالى كفاية دبلوم و فعلا امى اقتنعت و حولت تكسر اى حلم جوايا انى اكمل فى الوقت اللى كنت مستنيه نتيجة الاعدادية عشان ادخل الثانوي العام
لما النتيجه ظهرت كنت من الترتيب العشره الاوئل في الوقت اللى كان اي حد مكان كان المفروض يفرح انا من صدمتي فقدت الوعي و فضلت 12 ساعه غايبه عن الواقع بعد موجهه بكاء هيسترى لحد ما فوقت و كان بابا جانبي
فلاش باك
قوليلى فى ايه يانهي
مفيش يا بابا
اومال ليه عيطى بالشكل الهيسترى دا لحد ما حصل كدا في بنت تنجح بالمجموع دا و تزعل
بصيت لامي يمكن ترحمنى بس نظرتها كسرتنى اكتر نظرة كانت كلها قهر و قسوة كانها كانت بتقولى انت مستحقيش بابا انتباه لنظرات امي ليا و طلب منها انها تحضر الاكل
:امى خرجت وفضلت ماسكه فى ابويا جامد كنت مرعوبة بابا فضل معايا عشان يطمنى ولما حسيت بالامان نمت
د.ادم طب وليه كنتى مرعوبة
نهي: امى هددتنى لو حكيت لبابا هتضربنى و تحبسنى
د.ادم.. كملى يا نهي
نهي..نمت ومحستش بنفسي غير تاني يوم و مامتى بتصحينى عشان تروح تقدملى فى مدرسه للتعليم المهنى.. طبعا وقتها حسيت انا بابا كان موافق ع موقف امى
.. قومي يلا عشان نروح نقدم يا هنام
.. انتي بردو مصممه يا ماما حرام عليكى يا ماما ليه بتعملى كدا عشان ترضي مرات عمى وبناتها
قولت كلام كتير كلام مش فاكره منه غير انى كنت فى قمة غضبى و سخطى ع امى اللى عاوزه تدمر حلمى و زعقت فيها لاول مره وفوقت ع ضربة قويه على وشى من امى ..
.. اوعي تكوني فاكره يا نهي انك هتمشي كلامك عليا لا انا ادفنك تحت رجلي
هربت من نهي دمعه و هي بتحكى عن اول صدمه اخدتها ف حياتها مكنتش تتخيل ان امها ممكن تعمل كدا معاها
د.ادم.. و بعدين ايه اللي حصل
نهي ..فجاه سمعت صوت ابويا زى اللى شاف مركب هتنجده من غرقه اترميت فى حضنه عشان يرحمنى يطمنى يدينى الامان فى الوقت اللى امى بتحاول تاخدنى من حضنه عشان تكمل ضرب فيا لكن رد فعل ابويا كان اقوى مما تخيلت
الاب.. ايه اللى بتعمليه دا يا حجه
الام. بادبها ياحج بنتك خلاص افتكرت نفسها كبرت و مبقاش ليها كاسر
فى اللحظه ..
:فى اللحظه دى ابويا ضرب امى ضربة قوية لدرجه انها نزفت من مناخرها كانت اول مره اشوف ابويا بيضرب امى كانت في اللحظه دي
الاب.. انا بنتى متربية احسن تربية انما انتى كبرتى وخرفتى
الام.بتضربنى ياحج بتضربنى عشانها
الاب..بضربك عشان تفوقى بتضربى بنتك و تقهريها عشان مين عشان ترضي سلفتك سلفتك اللى فشلت في تربية عيالها و فشلو ف التعليم عاوزه بنتك نبقا نسخه جدبده منهم
الام.. وفيها ايه لما تاخد دبلوم زيها فى الاخر مالهاش اللى بيتها وجوزها
الاب.. بنتى هتتعلم ومفيش سيرة جواز تنفتح طول ما البنت لسه بتتعلم فاهمه يا فاطمه
الام. حاضر يا حج حاضر بس انا مش راضيه عنها
الاب.. تعرفى ايه عن رضي الام انتى طول عمرك بتعمليها وحش بتعمليها كانها مش بنتك اومال لو كان ربنا رزقنا بغيرها كنتي هتعملي ايه اتقي الله اتقي الله
نهي ..من الوقت دا اتوترت علاقتى بامى يمكن لشهور او سنين ..
د.ادم . كفايه كدا النهارده يا مدام نهي و نكمل الجلسه الجاية باذن الله
بتبتسم نهي وبتقوم من مكانها عشان تلاقي مها
مها بنت عمته و صاحبت نهي الوحيده( بنت فى اول العشرينات بشرتها بيضه وعيونها فيروزى ليها ضحكه جميله زي عيونها و دم خفيف يخف عن اي حد حزنه )
نهي.. اسفه يا مها الجلسة طولت النهارده
مها.. ولا يهمك يا نونا المهم انك تبقي كويسه
نهي..ربنا يخليكى ليا
مها. يلا يا نون العربية مستنينا
:فى بيت عبد الرحمن الشيمى والد نهي كان الوضع متوتر لابعد حد بين عبد الرحمن الشيمي و مراد زوج نهي
الشيمي.. انت ايه اللى جابك هنا
مراد.جاى اخد مراتى ياحج
الشيمي..مراتك انت ناسي انها رافعك عليك قضيه طلاق
مراد.وانا مش هسيب مراتى يا حج انا..
وقبل ما يكمل كان فى صفعة قوية من ايد نهي
نهي..انت ايه جابك هنا يا مراد
مراد.جاى عشان اخدك يا حبيبتى ايه مش كفايه كدا
نهي..اطلع برا يا مراد مش عاوزه اشوف وشك تانى
مراد..تؤتؤتؤ عيب ياروحي تكلمي جوزك كدا ولا دا اللى الحج..
نهي.اخرس يا كلب اياك تجيب سيرة ابويا ع لسانك القذر
(مراد نصار زوج نهى فى منتصف عقده التالت متوسط الطول لكن التخن اخد منه كتير اثر الادمان وشرب الكوحليات كان مرسوم بوضوح ع وشه بمناخر مستقيم ولحية طويله و ضحكه مقززه)
مراد..عيب يا نهي انا جوزك
نهي..انت احقر انسان شوفته في حياتى
مراد..هترجعى معايا يانهي
نهي..يبقا اخر يوم في عمرى لو فكرت ارجع يا مراد
مراد.. ماااشي يانهي انا هخليكي تندمي
بيخرج مراد من بيت الشيمى والشر بيرسمله
الطريق
اما نهي فقدت وعيها بعد ما استنفذت كل قوها
مع مراد
الشيمي..خير يا دكتور ياسر
الدكتور..ياحج سبق و قولت لحضرتك اى انفعال هياثر
عليها و هيرجعنا لنقطة الصفر
المدام محتاجه هدوء عشان ميحصلش شئ
يعيق التقدم نفسيتها اهم من العلاج الكميائى
انا عطتها ابرا منومه وكمان يومين
هنعمل الكشف الدورى
:فى مستشفى د.ياسين للاوارم كان معاد الكشف
الدورى لنهي كان يوم صعب ع الكل
الدكتور.. صباح الخير يا مدام نهي
نهي.. صباح النور يا دكتور
الدكتور..ها جاهزه
بتكتفى نهي بابتسامه و تهز دماغها في اشاره منها انها جاهزه
نهي كانت بتعمل كشف دوري بعد ما تم استئصال جزء من الامعاء بسبب اصابتها بالسرطان
وبعد الكشف الدوري اللى بيتم كل شهر وبعد ساعتين من انتظار النتيجه
الدكتور..الحمد لله يا مدام نهي كل حاجه طلعت كويسه
نهي.. الحمد لله هو الوضع دا هيستمر لحد امتي
الدكتور.اسف مش فاهم وضع ايه حضرتك
نهي.. يعني الكشف الدوري و الفحوصات و الحاجات دي
الدكتور.. علي مهلك يامدام نهي حضرتك مش بتتكلمي عن دور برد و لا عمليه المراره
دا استصال ورم و جزء من الامعاء و مرض لعين احنا بنعمل كل دا عشان نطمن ان مفيش حاجه
ومش المفروض ان اي حاجه تاثر على نفسيتك احنا مصدقنا و يفضل ان حضرتك تسافرى تغيرى جو
بتتنهد نهي و بتسند ع مها عشان تمشي بعد ما طريقة د.ياسين ضايقتها
وبعد 3 ايام بيكون معاد جلسة العلاج النفسي
مها. ها يانون جاهزه
نهي. اه يا حبيبتى هجيب شنطتي بس
مها. طب خليكي وانا اجبهلك
بتدخل مها اوضه نهي و تجيب شنطتها و تخرج بسرعه
مها. اتفضلي يا ستي شنطتك
نهي بابتسامه شكر .. شكرا يا مها انا تعباكي اوي
مها. تعباني ايه بس انا اصلا بروح عشان الموز اللى هناك
نهي. هههه وانا اللي قولت بتحبنى
مها. ههه طبعا بحبك عشان عرفتينى علي ادم القمر دا
نهي.. طب يلا يا ست الهيمانه خلينا نمشي
وفي الطريق ظهرت عربيه مراد نصار وبدءت المناوشات بين عربيه نهي و مراد واللي انتهت بهجوم مراد علي عربيه نهي بعد ما نجح انه يقفل الطريق عليهم
مراد.. انا يا نهي ترفعي عليا قضيه و تبهدلني
نهي.. انت حقير سبني يا حيوان
مراد.. بردو بطولي لسانك انا هخليكي فرجه للناس يابنت***
سحب مراد نهي من العربيه الخاصه بيها لعربيته بعد ما فقدت الوعي
اما عن مها فكانت سابقه مراد بخطوه لما سجلت كل اللي حصل و كمان قدرت تبعت رساله لخالها و لدكتور ادم وبلغت الشرطه فورا( مها مش بس صاحبه نهيو بنت عمتها مها محاميه نهي في قضية الطلاق)
اما في عربيه مراد كانت نهي فقد الوعي و بتنزف من الانف اخد مراد نهي لشقته و حبسها بعد ما اقدرت تفوق من الاغماء
وبعد وقت مش طويل وصلت قوه من الشرطه مع عبد الرحمن الشيمي و دكتور ادم و مها لشقة مراد
مراد.. خير يا حضرت الظابط في ايه
الشيمي.. بقا مش عارف في ايه يا حيوان فين بنتي
مراد.. تقصد مراتي يا شيمي
الظابط..بعد اذنك يا حج ياريت تهدا .. استاذ مراد فين المدام
مراد.. في اوضتها في بيت جوزها
مها.. لا يا مراد لو ناسي ان نهي رافع عليك قضيه افكرك انت خاطفها من عربيتها و ضربت السواق و لسوء حظك انا سجلت كل حاجه صوت وصوره فين نهي
مراد.. بقا حته بت مفعوصه زيك تكلم مراد نصار كدا
مها.. انت فاكر نفسك ايه فوق انا المحاميه مها يوسف اللي ياما خرجتك من بلاوي ولا نسيت يا نصار
الشيمي..فين بنتي يا مراد
الظابط..فتشوي الشقه و خدو الاستاذ علي البوكس
مراد.. نعم ياخدو مين و ايه التهمه
مها.. تهمه واحد قول كام تهمه هحبسك يا نصار و حياة نهي عندي لاحبسك و زى ما تطلعتك زمااان من بلاوي هخليك تتمني الرحمه
بتاخد عناصر الشرطه مراد و بتدخل مها و الشيمي و دكتور ادم اللي كان بيتابع في صمت عشان ياخدو نهي اللي كانت منهاره
الشيمي.. بنتي
نهي.. بابا شوفت الحقير يا بابا انا خلاص مش عاوزه اعيش
ادم.. مدام نهي ياريت تهدي و كدا مش كويس عشانك
نهي.. وايه اللي كويس بيحصل في حياتي انا عملت ايه لكل دا حد يرد عليا قوليلي يا مها انا عملت ايه
مها.. يا نهي اهدي طب طب يلا نمشي بس تعالي تعالي نروح
نهي.. عارفين في الاوضه دا كان بيحبسيني و يضربني كان بياخدني غصب ياما مزق عليا الاحزمه في الاوضه دي
عارفه يا مها الكرسي دا كان بيربطني فيه بالساعات و ينزل فوقي بالكوربك شايفه البلكونه دي كان بيخلني ابات فيها في عز البرد عشان عملت حاجه غلط و كنت علي نفس الكرسي بتصالح بابسط حاجه ع..
ادخل دكتور ادم لحل الازمه و تهدءت الوضع اللى كان من الوضح انه بيطور لانهيار عصبي
ادم.. احنا لازم ناخدها علي المستشفي حالا
وفي واحده من المستشفيات الخاصه كانت نهي مازلات فاقده الوعي على اثر الحقنه المهدا و كانت تحت ملاحظه دكتور ياسين الطبيب المشرف علي علاجها الكميائي و دكتور ادم المعالج النفس و دكتور ياسر طبيب متخصص في امرض المخ والاعصاب
و بعد وقت خرج الطباء الثلاثه من غرفه نهي وهي مازلت فاقده الوعي
الشيمي.. دكتور ياسر طمني فاقت؟
دكتور ياسر لا يا حج مدام نهي لسه تحت تاثير الحقنه
مها.. يعني ايه يا دكتور دي بقالها 3 ساعات ؟
ادم.. انسه مها مدام نهي الافضل ليها انها تفصل عن الواقع
مها.. يعني ايه يا دكتور ادم يعني حضرتك تعمدت!
ادم.. ايوه تعمدت لو كانت استمرت في الحاله اللي هي فيها كانت ممكن تفقد حياتها مع انفعالها الشديد
الشيمي.. والحل بنتي هتفضل كدا لحد امتي هتفضل نايمه يا ادم
ادم.. لا يا حج الحقنه مفعولها هينتهي بعد ساعه تقريبا و المفروض لما تفوق يكون في طاقه ايجابيه يكون في ناس حواليها تفرحها
مها.. انا عندي فكره يا خالو
الشيمي.. فكره ايه يابنتي
مها.. نهي كانت ديما بتروح دار الايتام و بتلعب مع الاطفال و هم بيحبوها و هي بتموت فيهم
الشيمي.. ايوه هنعمل ايه
مها.. احنا هنزين الاوضه لحد ما تصحي و انا هروح الدار و المديره مش هترفض لينا طلب هجيب 5 اطفال عشان لما نهي تصحي بس هحتاج مساعده و حد يجي معايا دار الايتام
ياسر.. خلاص ممكن دكتور ياسين يروح معاكي و انا و دكتور ياسر هنستناكي و الممرضات هيزينه الاوضه
مها.. تمام نهي بتحب اللونين البينك و الزهرى
وبعد نص ساعه كانت الممرضات زينه الاوضه تحت اشراف دكتور ادم و كانت مها والاطفال و دكتور ياسين في الطريق ام دكتور ياسر و كان بيتابع حاله نهي وبيراقب الاجهزه و والد نهي كان بيجهز كل الحاجات اللي نهي بتحبها الشوكولاتات الورد حتي فستانها وهي في سن ال5 سنين اللي كانت بتحبخ و ديما بيجيب ليها الحظ زي ما نهي كانت بتعتقد وبعد مرور نص ساعه كمان كانت مها والاطفال وصلو وكانت كل حاجه جهزه الاوضه متزينه باللونين المفضلين عند نهي البلونات الهاليم اكتر صور نهي بتحبها الشكولاتات و الورد كل حاجه كانت جاهزه عشان نهي تفرح و تحاول تعدي الازمه
بعد وقت بسيط نهي قدرت تستعيد وعيها
نهي.. بابا مها اااه انا فين
الشيمي.. انا جانبك يا حبيبتي انا جانبك يا نهي
نهي.. بابا هو ايه اللي حصل
الشيمي.. مش مهم المهم انك كويس
نهي.. مها
مها.. انا جانبك يا حبيبتي
نهي.. دماغي حاسه بصداع
مها.. طب قومي و شوفي احنا عملنا ايه وانتي هتنسي كل الصداع
بتساعدها مها انها تاخد وضع الجلوس و تسند راسها
مها.. ها بقااا ايه رايك
نهي.. بجد انتي اللي عملتي كدا عشاني
مها.. لا بس فكرتي و في مفاجاه كمان جاهزه
.بتهز نهي راسها و بتبتسم ل مها اللي رغم الظرف الا انها بتبسم وبتعمل كل حاجه عشان نهي تضحك
وبتفتح مها باب الاوضه و بيدخل الاطفال ال5
مها.. ايه رايك بقا يا نون
بتضحك نهي و بضم الاطفال ليها كانها ام اول مره تشوف اطفالها من مده طويله و مقدرتش تمسك دموعها (نهي كانت ديما بتزور دار الايتام و بتلعب مع الاطفاال و كان الاطفال بيحبوها جدا لحنيتها و طيبة قلبها معاهم و كانو هما المهرب الوحيد ليها من كل مشاكلها)
مها.. والان مع المفاجاه التاليه و اللي جاهزها الحج عبد الرحمن الشيمي لبنته نهي عبد الرحمن الشيمي ولام علينا عبيدك يارب
نهي.. ههههه انتي مجنونه و مش هتعقلي ابدا
مها.. خدي بس البوكس من ايد خالو و بعدين هنشوف يا نون
بتاخد نهي البوكس من والدها وبتفتحه
نهي.. الله يا بابا انت منستش انا بحب ايه
الشيمي.. انا عمري مانسي بنتي و نور عيوني بتحب ايه
نهي.. بحبك اوي يا بابا بحبك اوي
مها.. لا لا لا مش وقت صعبانيات خالص دكتور ادم محضرلك حاجه
نهي.. خير يا دكتور
ادم.. قرارنا نحن ادم يحيي و ياسين محمد و ياسر جمال انك تسفري بكرا شرم الشيخ لتغير جو للانتعاش و الانعاش و تجديد الدمويه و الوشوش
مها.. نعم بقا يا دكتور بتبصلي ليه
نهي.. ههه يابنتي هو عاملك حاجه
مها.. لا بقا كان بيزعرلي من تحت لتحت يا نون
نهي.. ههههه مجنونه
مها.. ايوه بقا اضحك يانون
نهي.. جبتي الاطفال ازاي من الدار اوعي تكوني خطفتيهم
مها.. اوووه ديما بتشكي في قدراتي طبعا خطفتهم
ادم.. طب يلا يا استاذه اتفضلي حضرتك انتي والحج حضره الشنط و اجهزه عشان بكرا
الشيمي.. انا مش هقدر يا ادم يابني انا هسيب البنات في امانتك انت و الدكاتره و انا عارف انكم هتحسنو للامانه
مها.. طيب انا هرجع الاطفال للدار و هروح احضر الشنط و ارجعلك تاني يا نهي
نهي.. ربنا يخليكي ليا
مها.. ويخليك ليا يا عسسل
نهي.. ههه امشي يا مجنونه
دكتور ياسين.. وانا هروح مع الانسه مها نرجع الاطفال للدراعشان الوقت
نهي.. شكرا يا دكتور ياسين تعبت حضرتك
دكتور ياسين.. المهم تبقي كويسه احنا هنا لراحتك
الشيمي..وانا هروح اطمن ولدتك و اطمن عليها
نهي.. ليه مالها ماما
الشيمي.. مالهاش يا حبيبتي انتي عارفه السكر تاعبها
نهي.. كلمني و تتطمني عليها
الشيمش.. حاضر يا حبيبتي استودعك الله
نهي.. مع السلامه يا حبيبي
دكتور ياسر..طيب يا مدام نهي انا هروح اشوف شغلي لاني لازم اسلم تقرير قبل ما نسافر بكرا
نهي.. ميرسي يا دكتور ياسر عملتلك قلق
دكتور ياسر.. انا تحت امرك ديما ارتاحي احنا عاوزينك كويسه بعد اذنك
نهي.. شكرا يا دكتور اتفضل
.دكتور ياسر. هتيجي معايا يا ادم
ادم.. هحصلك يا ياسر
بيخرج دكتور ياسر و بتبقا نهي و دكتور ادم بس في الاوضه لما حس ادم احرج نهي منه فضل يخرج
نهي.. دكتور ادم حضرتك رايح فين
ادم.. ااا هخرج اروح لياسر و اسيبك ترتاحي
نهي.. ممكن تقعد محتاجه اتكلم معاك
ادم.. تحت امرك
..مش عاوز تعرف حكايتي
.. مش شايف ان دا وقته
.. بالعكس انا عندي طاقه كبيره اني احكي انتو بالحاجات اللي عملتوها دا خلتو عندي دافع اني احكي من غير ما انهار عارف يا دكتور اول مره احس ان في حد مهتم . مهتم ان ابقا كويسه اهلي و عائلتي حولو كتير بس كان دائما بحس انها مش من قلبهم او بيعملو كدا عشان هو واجب انما حضرتك و دكتور ياسر و دكتور ياسين و مديره الدار اللي متاخرتش عني رغم انها كان ممكن تتعرض للمساله بس .. فاهمني
د.ادم.. فاهمك
.. انا هكملك حكايتي حكملك حكايه حب وصلتني للسرطان
د.ادم .. طب ايه رايك نخليها بكرا واحنا علي البحر مها قالت انك بتحبي البحر
نهي.. اكيد^_^
د.ادم.. طيب انا هسيبك ترتاحي و هروح عشان احضر نفسي للسفر و اشوفك بكرا تصبحي علي خير
نهي.. شكرا يا دكتور
وبعد ساعات طلع الصبح فتحت الشمس دراعتها و حضنت عالم نهي المظلم او اللي كان مظلم نهي من وقت طويل اول مره تنام في هدوء و راحه يمكن لان مراد حاليا في قبضه الشرطه يمكن لانها اتاكدت ان فعلا في ناس بتهتم بحياتها
ويمكن دا الهدوء اللي بيسبق العاصفه
و بعد وقت مش طويل وصلت مها المستشفي مع والد نهي
مها.. يا صباح الخير ياللي معانا
نهي.. هههه يابنتي اعقلي
الشيمي.. ههه صباح الخير يا حبيبتي انتي كويسه
نهي.. صباح الفل يا بابا الحمد لله كويسه
مها.. وانا شفافه بالنسبالك يعني
نهي.. صباحك مجنون زيك يا روحي حلو كدا
مها.. مش وحش مش وحش
نهي.. جبتيلي هدوم غير دي يا لمضه ولا هسافر كدا
مها.. طبعا يا نون دي تفوتني بردو الشنطه دي فيها اللبس والحجاب و كل الحاجه ممكن تحتاجيها
نهي.. تمام انا جعانه
مها.. لا لا لا مش انتي النون مش انتي
الشيمي .. يابنتي بطلي مناكفه فيها انا هجيبلك يا حبيبتي فطار و عصير عاوزه حاجه معينه
نهي .. تسلملي يا بابا انا بس عاوزه اكل اي حاجه
الشيمي.. حاضر يا حبيبتي هروح اجيبلك وانتي خدي دوش و غيري هدومك
نهي..حاضر يا حبيبي
وبعد وقت قليل كان الكل جاهز و مستعد للسفر دكتور ادم اختار المكان اللي يقدر يساعد نهي علي الاسترخاء و البعد عن المشحانات و كمان المكان الموجود فيه مركز للعلاج النفسي التابع لولده وبعد ساعات و صلو لمكان الاقامه و كان الاختيار ممتاز من حيث موقعه هدوءه قربه من البحر و كمان ادراته
د.ادم.. حمدلله علي السلامه جميعا بدون اي كلام كل واحد علي الغرفه الخاصه بيه و هنام و نصحي كمان ساعتين نتغدا و هنخرج نلف بس طبعا بعد ما نرتاح من الرحله اتفضلو المفاتيح
وبعد ساعه تقريبا كان الكل في سريره معادا نهي و ادم نهي كانت ديما بتحب البحر و تحب تتكلم معاه الا ان مراد دمر كل حاجه نهي بتحبها حتي انه دمرها كسرت نهي تعليمات دكتور ادم و خرجت للبحر
د.ادم .. احنا متفاقناش علي كدا علي فكره
نهي.. اووه اسفه يا دكتور بس انا كنت محتاجه البحر اكتر من النوم والراحه
ادم..ماشي انا هعديها عشان كنت عارف انك هتعملي كدا
نهي.. شكرا يا دكتور
ادم..انا عندي فضول اعرف كل حاجه عنك
نهي.. وانا هشبع فضولك واحكيلك
بعد ما دخلت الثانوي اتحدت نفسي و اتفوقت جدا في دراستي نجحت و جبت مجموع عالي جدا في الثانويه العامه كان مجموعي يدخلني طب و صيدله الا اني حبيت ادرس لغه و تكون لغه جديده مش منتشره اخترت السن قسم عبري الحقيقه بابا معترضتش وقالي معاكي لحد ما تزهقي لكن امي رفضت اني اكمل وطلبت من ابويا اني ادخل اي معهد وخلاص مش لازم كليه يعني والبنت مالهاش الا بيتها و انت بتعلم و بدلع و هيجي واحد ياخد كل دا و كلام من هذا القبيل بس ابويا مسمعش عدت اول سنه وجبت تقدير و طلعت التانيه ع الدفعه و السنه التانيه و كنت انا الاولي مكنش في احداث تذكر بتحصل في حياتي ولاد زميلي بيحولو بتقربه و يعرفو مين البنت الخجوله اللي مش بتبص لحد دي مكنتش ليا صحاب كان بابا هو صاحبي مرت الايام و دخلت في السنه التالته و مفيش اي جديد بيحصل العرسان و كلام امي و و و نجحت في سنه تالته بتقدير الاولي علي دفعتي كل كان شايف اني بعيش حياه مثاليه لابعد حد نجاحه حياتي مستقره ولدى مش حرمني من حاجه كل اسبوعين بيتقدملي عرسين و تلاته وفي يوم حصلي شئ بشع واحد من الاحداث الصعبه اللي حصلتلي
ادم.. ايه اللي حصل
نهي.. كنا في اجازه الصيف و كلها اسبوعين و الدراسه ترجع استاذنت بابا وخرجت مع مها نجيب حاجات مها كانت لسه هتدخل سنه اولي خرجنا انا وهي و اتاخرنا شويه واحنا مروحين اتعرضولنا 3 شباب و تقريبا كانو شاربين حاجه حاولو يخطفو شنطتي مها بدءت تصرخ لما الناس بدءت تسمع و اتلمت علي الصوت ضربنى واحد منهم علي دماغي باله حاده و هربو مها فقدت وعيها هي كمان من منظر الدم حياتي اتقلبت من اليوم دا اتخليت عن الخجل و ادربت بالجيم في وقت قصير بقا معايا احزمه من الكارتيه لحد ما في يوم وانا في التدريب شوفت مراد المرض الخبيث و..
قطع كلام نهي صوت موبيل ادم
ادم.. الكلام اخدنا احنا تقريبا قاعدين من ساعتين
نهي.. اووه زمانهم قلقو علينا
ادم.. طب هكلمهم و نروح نتغدا كلنا
نهي..اوكي
عدي اول يوم بسلام نهي مبسوطه و بدءت تحس انها بتعيش من اول و جديد
وفي اليوم التاني وبعد ما اخدو الفطارهم في مطعم الفندق طلب ادم من نهي ومها انهم يلازمو الاوضه و رفض انه يقول السبب لكن كان واضح ان في حاجه
وبعد وقت اتصل ادم ب مها و طلب منها تنزل بعد ما اتاكد ان نهي نامت
مها.. في ايه يا دكتور ايه بيحصل
ادم.. مراد نصار كان هنا
مها.. نعم ازاي يعني مراد محبوس
ادم.. الموقف لا يحتمل العصبيه انا جالي خبار بخروجه بكفاله وعشان انا كنت متاكد انه هيجي هنا بلغت اسمه لواحد في المرور الكمين اللي قبل البوبات و بلغني بوصله
مها.. كفاله يانهار اسود و بعدين
ادم.. اتكلمنا معاه بالزوق رفض بلعنا قسم الشرطه وحاليا هو هناك و دلوقتي لازم نروح عشان تحولي تتصرفي
مها.. طب ونهي هنعمل ايه
نهي.. متخافيش عليا انا هاجي معاكي
مها.. انتي هنا من امتي
نهي.. مش مهم من امتي با مها المهم اني سمعت كل حاجه وهاجي معاكي
ادم.. مدام نهي مش هينفع تروحي
نهي.. متخافش يا دكتور
وفي قسم الشرطه كان مراد نصار تحت الحراسه و ممنوع عنه الاتصال بعد ما شرح د/ادم الوضع لرئيس مباحث وبعد وقت قصير وصلت مها ونهي و ادم
ادم..شريف باشا
شريف.. اهلا يا دكتور ادم
ادم.. مدام نهي زوجه مراد و الباشا يبقا رئيس المباحث يا مدام نهي
نهي..مها تبقا المحاميه الخاصه وبنت عمتي
شريف..دكتور ادم شرحلي كل حاجه احنا كتابنا محضر سكر و تعاطي و محضر تعدي على الدكتور و محضر سلاح بدون ترخيص
نهي.. سلاح
شريف.. واضح انه كان ناوي علي الشر بس دكتور ادم اتصرف صح
مها.. ممكن اشوف المحاضر
شريف.. اكيد يا استاذه اتفضلي هات يابني المحاضر
وبعد ما يقارب من ساعتين خارجت نهي ومها ومعاهم دكتور ادم من القسم وشرحت مها لنهي ان كل دا هيساعدها انها تاخد حكم بالطلاق للتضرر
عدي باقي اليوم بدون اي احداث جديده نهي كانت بتحاول تبقا كويسه من غير ما تنهار و الدكاتره كانو بيتبعوها من بعيد و مها كانت ملازمها وفي صباح اليوم التالت خرجت نهي من غرفتها قاصده البحر يمكن يقويها
ادم.. مش هتبطلي العاده دي
نهي.. دكتور ادم
ادم.. توقعتي حد تاني
نهي.. لا ابد بس مستغربه ان حضرتك صاحي بدري
ادم.. مش هتكملي عرفتيه ازاي
نهي..في يوم كان عندي تدريب كارتيه خلصت التمرين و روحت عشان اغير هدومي شوفت مراد بيتزعق مع 3 شباب انا طبعا لا اعرف مين دا ولا ايه بيحصل مهتمتش كتير بس بعد ما غيرت هدومي وانا خارجه كان صوتهم عالي اوي و الوضع بنهم مكنش يبشر باي خير فجاه واحد منهم فتح سلاح ابيض عليه و طالبه بحقه مراد سابه وخرج طبعا انا افتكرت ان الموقف خلص لكن بعد ما خرجت من النادي كان مراد بيضرب منهم ضرب مبرح و لما حاسو انهم مش هيعرفو ياخدو منه حاجه واحد ضربه بالسلاح في بطنه طبعا انا كنت شايفه كل حاجه بس مذهوله الناس اتصلت بالشرطه وانا شهدت بكل حاجه شوفتها وبدا مراد يقرب مني بحجه انه يشكرني رفضت طريقته فجاني انه طلب ايدي من ولدي وبعد ما خلصت السنه الرابعه اتجوزنا في الاول كان مرح ولطيف بعدها ب3 شهور بدءت كل عيوبه تظهر من سكر لمخدرات لستات علي سريري و قدام عيني ضرب و تعذيب و حبس علي الحال دا سنتين اصلي وادعيله بالهدايه ادعي ربنا يردو ليا و كل دا واهلي ميعرفوش اي حاجه مكنتش بحكي وفي يوم مراد رجع من برا سكران كالعاده الساعه5 الفجر بدا يشدني من ايدي و عاوز يبوسني رفضته شغل الضرب فيا بقا يضرب بكل قوته شرح جسمي فضل يطحن فيا 3 ساعات الصبح طلع وانا بنزف من كل جسمي ابويا اتصل بيا وانا مردتش عليه كان عنده معاد مع الدكتور عشان يعمل تحاليل دوريه ابويا قلق عليا حول يكلم مراد هو كمان مش بيرد جه البيت و فضلت اقوم الالم لحد ما قدرت افتح الباب بابا مستحملش المنظر غطاني بعابيته و اخدني للمستشفي من غير كلمه رفعت عليه قضيه كان له نفوذ باهله و عائلته معرفتش اخد منه حق ولا باطل لا وكمان طلبني في بيت الطاعه فضلت علي الحال دا 6 شهور ادمنت الكحليات و التدخين و زني ذاد لحد ما تعبت جدا وبقيت انزف بعد تحاليل و فحوصات اكتشفو عن عند سرطان في الامعاء نتيجه الكحليات و التدخين طبعا كان لازم عمليه للاستصال
ادم.. بس مش غريبه انتي كنتي قريبه من ربنا ليه لجاتي للكحل و التدخين
نهي الياس
ادم.. كملي
نهي.. مرحمنيش خدني من المستشفي قبل ما ادخل العمليات شدني من شعري وجرني قدم المستشفي عشان قريبه عضو مجلس الشعب كان سانده فضل حابسني 3 ايام في شقه في مكان ريفي من غير اكل او مياه الشرطه اتبعت مكانه وقدره يوصلولي كنت بموت نزفت كتير و دمي اتصفي اتنقلت علي المستشفي و دخلت العنايه المركزه استمرت علي الوضع دا اسبوع و بعدين دخلت العمليات 3 ساعات 3 ساعات بين ايدي ربنا و الجراحين انتهت العمليه و دخلت العنايه لان حالتي كانت صعبه خرجت من المستشفي علي بيت بابا بعد 10 ايام نفسيتي كانت زي الزفت مكنتش باكل لا بشرب القضيه بتتاجل والباقي بقا من دخولي لنوبات اكتئاب لازمات نفسيه للعلاج الكميائي انت عارفه
ادم ندمانه
نهي ندمانه اني اتخدعت بالمنظاهر ممكن نرجع القاهره بابا وحشني
ادم طب والبحر
نهي عاوزه ابويا
ادم انا اسف
نهي مفيش داعي للاعتذار بس في جلسه بعد يومين في القضيه وعاوزه احضرها
ادم بس مها قالت مش لازم تحضري
نهي عاوزه اشوفه وهو بينهار
ادم هنرجع لو دا في راحتك هنرجع
نهي شكرا يا دكتور
رجعت نهي ومها للقاهره مع الدكاتره بعد ما قدرت تقنع مها انها تحضر الجلسه و في يوم الجلسه ضمت معا لحضر الجلسه محاضر مراد في شرم الشيخ و فديو بيوضح تعدي مراد علي نهي والسواق وكمان صور من محاضر قديمه لمراد نصب و تعدي وسكر حدد القاضي جلسه لنطق الحكم بعد 3ايام الاعصاب مشدوده و الكل بيدعي وجه يوم النطق بالحكم و حكم القاضي لنهي بالطلاق مع كامل حقوقها و بعد 3 شهور فتحت نهي حضانه للاطفال بعد ما اخدت مبلغ كبير جدا من مراد (المؤاخر) حياتها استقرت حياتها رجعت تعيش تاني بعد ما استصاله الخبيث من حياتها و الحقيقه ان الخبيث اللي كان في حياة نهي
هو حبها بس ياتري كل الحب سرطان
الاجابه عندكم
مني عبد الرؤوف ^_^
تعليقات